Елімізде халық саны бойынша мәлімет өзгерді, деп хабарлайды kaztoday.kz.
Қазақстандағы халық саны туралы Ұлттық статистика бюросы жаңа мәліметтер жариялады. 2024 жылдың 1 желтоқсанындағы есеп бойынша, Қазақстанда 20 265 320 адам тұрған.
Қазіргі таңда адам саны 231 478-ке өсіп отыр. Табиғи өсім 217 133 адам болса, көші-қон сальдосы 14 345 адам құрайды.
Елімізде миллионнан астам тұрғыны бар 3 қала бар: Алматы (2 286 328 адам), Астана (1 520 756 адам) және Шымкент (1 253 280 адам).
Сондай-ақ, халқы миллионнан асатын облыстар: Түркістан облысы (2 154 304 адам), Алматы облысы (1 557 932 адам), Жамбыл облысы (1 222 411 адам) және Қарағанды облысы (1 134 002 адам).
