Жер сілкінісінен 100-ге жуық адам қаза тапты, деп хабарлайды kaztoday.kz.
Қытайдың Тибет автономиялық ауданында болған қатты жер сілкініп, 95 адам қайтыс болды. 130-ға жуық кісі жарақат алды.
Жер сілкінісінің кіндігі Непал шекарасына жақын жердегі Тингри аймағында.
АҚШ Геология қызметінің мәліметінше, Тибеттің қасиетті қалаларының бірі Шигацзеден оңтүстік-батысқа қарай 177 км жерде, зілзала магнитудасы 7.1 болған.
Дүмпу Непал астанасы Катмандуда және Үндістанның кей өңірлерінде де сезілген.
«Тингри уезі мен оның маңайындағы аймақтар дүмпуді қатты сезінді. Эпицентрге жақын маңдағы ғимараттың біразы қирады» деп хабарлады Қытайдың CСТV телеарнасы.
