Көлігін 5 минуттан артық қыздырған тұрғынға алғашқы айыппұл салынды, деп хабарлайды kaztoday.kz.
Петропавл тұрғыны көлігін 5 минуттан артық жылытып, айыппұл төлейтін болды. Бұл жөнінде тұрғын әлеуметтік желіде жариялаған.
Оның көршілерінің біреуі 102-ге хабарласып, полиция шақыртқан. Енді ол 5 АЕК, яғни 20 мың теңге көлемінде айыппұл арқалады.
Тұрғындар айыппұлдың бұл түрімен келіспейтінін жазуда. Себебі, ауа температурасы 40 градусқа дейін төмендейтін өңірлер үшін көлікті 5 минутта қыздыру мүмкін емес.
Жуырда ІІМ айыппұлдың осы түріне қатысты түсінік берді. Әкімшілік полиция комитеті өкілдерінің айтуынша, Жол жүрісіна байланысты аталмыш ереже 20 жылдан бері бар. Егер көлік құралы жұмыс істеп тұрған қозғалтқышпен бес минуттан артық тұрса және бұл тұрғындарға қолайсыздық туғызса, онда бұл жағдайда ҚР ӘҚБтК 597-бабының 1-бөлімі бойынша көлік иесіне айыппұл салынады.
