Қазақстан Республикасы Бас прокурорының орынбасары Ғалымжан Қойгелдиевтің мәліметінше, шамамен 1,1 мың қазақстандық шетелде қылмыстық жазасын өтеп жатыр, деп хабарлайды Kaztoday.kz.
Олардың жартысынан көбі – көршілес Ресейде.
Сонымен қатар, Қазақстан түрмелерінде 900-ге жуық шетелдік азамат жазасын өтеп жатыр.
«Біз оларды өз елдеріне қайтару бойынша жұмыстар жүргізіп жатырмыз, себебі олардың басым бөлігі ұзақ мерзімге сотталған. Түсіну керек, олардың күтімі мен қамтамасыз етілуіне біздің мемлекет қомақты қаржы жұмсайды. Жалпы, айта кеткім келеді, сотталғандарды беру туралы келісім – ең алдымен, гуманистік сипаттағы шарт. Ол шетелде сотталған адамға көмек көрсетуге бағытталған,» – деп атап өтті Қойгелдиев.
Фото: @ztb_qaz
