Жолдасының опасыздығынан күйзеліске түскен әйел онлайн режимде Таро картасын ашатын балгерге жүгінген, деп хабарлайды kaztoday.kz.
Ол тек болашағын болжап беруді ғана емес, өзіне қажетті оқиғалардың дамуына кепілдік беруді сұраған. Карта ашқаннан кейін таролог, егер ерлі-зайыптылардың қарым-қатынасы мүлдем үзілсе, клиентке ақшасын қайтаратынын уәде еткен.
Алайда магиялық араласуға қарамастан, күйеуі отбасына оралмады. Бірақ балгер 100 мың теңгені қайтарудан бас тартып, әртүрлі сылтау айтып, жаңа уәделер берген.
Сотта алданған клиент өз құқықтарын қорғап, балгермен арада келісімшарттық қатынас болғанын дәлелдей алды, өйткені олардың хат алмасуы сақталған. Сот шешімі заңды күшіне енді.
Фото: © Holdyou
