Қызылордада такси жүргізушісін тонап, өзін далаға лақтырып кеткен күдіктілер ұсталды, деп хабарлайды kaztoday.kz.
Жолдан такси тоқтатқан екі адам, жүргізушіге қала орталығына апарып тастауын сұраған.
Жүргізуші діттеген мекенжайға жақындаған кезде артында отырған біреуі жүргізушіні ұрып-соққан. Оның қолында бар ақшасын, телефонын тартып алып, өзін далаға лақтырып кеткен. Көлікті қаланың сыртына апарып тастаған күдіктілер ары қарай іздерін жасырған.
Шымкент қаласының жедел қызметкерлері іс-шара жүргізіп, екі күдіктіні қолға түсірген.
Ұсталғандар Алматы облысының тұрғындары болып шықты.
Қазіргі уақытта күдіктілер қамауға алынып, тергеу әрекеттері жүргізіліп жатыр.
