Қазалылық тұрғындар қаңғыбастарға шара қолдануды сұрады, деп хабарлайды Kaztoday.kz.
Қазалылық тұрғындар өз үйлеріне кіруге қорқып жүр. Себебі, көпқабатты үйдің подъезі үйсіз-күйсіз жүргендер паналайтын тұраққа айналған. Бұл туралы kazaly_365 парақшасында тұрғын анонимді түрде мәлімдеме қалдырған.
Сабақтан кешке балалар келеді. Олар да қорқады кіре алмай, ертең бір жағдай болса кім жауап береді осыларға, әлде міндетті түрде бір жағдай болуы керек пе?, делінген жазбада.
Тұрғынның айтуынша,102 нөміріне күнде-күнара хабарласып, полицейлерді шақырады. Десе де, қаңғыбастар үйдің кіре-берісіне әбден орналасып алғанға ұқсайды.
Домофонды КСК баста салып берді. Оны да бұзды осы адамдар, одан кейін көршілер болып өзіміз ақша жинап салдырдық, оны да бұзды сындырды. Подъезд сасып жатыр, иісі үйімізге дейін алып жатыр. Әрине бұларда адамдар күн салқында жылы жерге жатқылары келеді. Бірақ бұл жерге жатпайтын шығар? Жалпы осындай мәлелерді шешуге кім жауапты? Өтініш, құрметті жауапты органдар БІР ШАРА жасасаңыздар, деп жазған ашынған тұрғын.
