Қазақстанда 2027 жылдан бастап балабақшалар лицензияланатын болады, деп хабарлайды Kaztoday.kz.
2027 жылғы 1 қаңтардан бастап Қазақстанда балабақшалардың қызметін міндетті түрде лицензиялау енгізіледі.
«Қазақстан Республикасы Үкіметінің 2015 жылғы 21 қарашадағы №934 «Білім беру саласындағы лицензиялау органдарын анықтау туралы» қаулысына мынадай өзгеріс пен толықтыру енгізілсін: 1-тармақтың 3) тармақшасы мынадай редакцияда жазылсын (…) 3-жолдың 4-бағаны 7-тармақпен толықтырылсын: 7. Мектепке дейінгі тәрбие мен оқыту», – делінген Үкімет қаулысында.
Енді лицензиялануға жататын білім беру бағдарламаларының тізбесі мынадай болады:
- бастауыш білім беру;
- негізгі орта білім беру;
- жалпы орта білім беру;
- техникалық және кәсіптік білім беру (әскери және арнайы оқу орындары үшін, мамандықтар реестріне енгізілген мамандықтар бойынша);
- орта білімнен кейінгі білім беру (әскери және арнайы оқу орындары үшін, мамандықтар реестріне енгізілген мамандықтар бойынша);
- кәмелетке толмағандарға білім беру-сауықтыру қызметтері;
- мектепке дейінгі тәрбие мен оқыту.
