Астананың құқық қорғау органдары бойжеткендерге ескерту жасады, деп хабарлайды Kaztoday.kz.
Соңғы жыл ішінде 8 000-нан астам есірткі қылмысы анықталды.
Олардың арасында қылмыскерлердің бейтаныс адамдарға, әсіресе қыздарға, сусындарына есірткі заттарын қосу жағдайлары жиі кездеседі.
Елорданың есірткі қылмысына қарсы іс-қимыл басқармасы осылай деп ескерту жасады.
Мамандар өзіңіз бен жақындарыңызды қорғау үшін арнайы есірткі заттарын анықтайтын тест-жолақтарын бірге алып жүруді ерекше қозғап өтті.
Айта кетейік, мұндай жолақтар дәріханаларда қолжетімді, кішкентай, көп орын алмайды және ең бастысы – бір минут ішінде қауіпті заттардың бар-жоғын анықтауға көмектеседі.
– Бұл – қылмыстың алдын алудың және өз қауіпсіздігіңізді қамтамасыз етудің қарапайым, бірақ тиімді тәсілі, дейді полицейлер.
Дереккөз: Ulysmedia.kz.
