Елімізде В және С вирустық гепатиттерін анықтауға скрининг өткізіледі, деп хабарлайды Kaztoday.kz.
Қазақстанда 18 жастан асқан адамдардың арасында В және С вирустық гепатиттерін анықтауға арналған жалпы скринингті бастау туралы шешім қабылданды.
ҚР Денсаулық сақтау министрі Ақмарал Әлназарова ауруларды талдау орталығы (CDAF) қорының директоры доктор Хоми Разавимен кездескен.
«ДДҰ-ның 2030 жылға дейінгі вирустық гепатиттерді жою бағдарламасының негізгі және маңызды мақсаттарының бірі — оларды уақтылы диагностикалау болып табылады», — деп жазылған хабарламада.
Мамандардың айтуынша, В және С вирустық гепатиттері жасырын (асимптоматикалық) өтеді. Егер асқынған жағдайда цирроздың немесе бауыр обырына әкеледі. Сондықтан инфекцияны ерте сатысында анықтау маңызды.
