Қазақстанның мемлекеттік қарызы 165 млрд 630 млн долларды құрады, деп хабарлайды Kaztoday.kz.
Қазақстан Ұлттық банкі 2025 жылғы 1 қаңтарға арналған елдің сыртқы қарызының алдын ала бағасын жариялады.
Бұрын сыртқы қарыз бойынша есептік мәліметтер есептік тоқсан аяқталғаннан кейін 90 күннен соң жарияланатын. Енді оларға қосымша сыртқы қарыздың алдын ала бағасы да жарияланатын болады.
Ұлттық банктің алдын ала бағалауына сәйкес, 2025 жылғы 1 қаңтардағы Қазақстанның мемлекеттік қарызы 165 млрд 630 млн долларды құрады. Оның ішінде:
- 12 млрд 724 млн доллар – мемлекеттік басқару органдарына тиесілі,
- 2 млрд 470 млн доллар – Қазақстан Республикасының Ұлттық банкіне тиесілі,
- 13 млрд 265 млн доллар – басқа банктердің үлесі,
- 91 млрд 658 млн доллар – тікелей инвестициялар (корпоративтік қарыз),
- 45 млрд 513 млн доллар – басқа секторларға тиесілі.
2025 жылғы 1 қаңтардағы нақты сыртқы қарыз туралы есеп 2025 жылғы 31 наурызда жарияланады.
Сыртқы қарыз – бұл резиденттердің шетелдік несие берушілер алдындағы өтелмеген міндеттемелері, олар негізгі қарызды және/немесе пайыздарды төлеуді талап етеді.
