Шымкентте есірткі тасымалдаған студенттер ұсталды, деп хабарлайды Kaztoday.kz.
Шымкентте 18 жастағы екі студент есірткі заттарымен заңсыз айналым жасаған.
Аталған дерек Абай ауданы прокуратурасының үйлестіруімен құқық қорғау органдарының жүргізген жедел шаралары барысында анықталды. Тінту барысында студенттерден есірткі дозасы бар 50 байламдары тәркіленді.
Олар қала аумағында белгілеген жасырын орындарға есірткі қойып, мәліметті мессенджер арқылы таратып келген.
Күдіктілерге қатысты Қылмыстық Кодекстің 297-бабымен (есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру басталды.
Ұсталғандарға бес жылдан он жылға дейiнгi мерзiмге бас бостандығынан айыру жазасы тағайындалуы мүмкін.
