Алматы, Шымкент және Түркістан облысында терроризмді насихаттағандар ұсталды, деп хабарлайды Kaztoday.kz.
Бұл жөнінде ҚР Ұлттық қауіпсіздік комитетінің (ҰҚК) баспасөз қызметі мәлімдеді.
«2025 жылғы 17 ақпанда ҰҚК прокуратура органдарының үйлестіруімен және полицияның қолдауымен Алматы, Шымкент қалаларында және Түркістан облысында діни радикалдар әрекетінің жолы кесілді. Терроризмді насихаттау, соның ішінде әлеуметтік желілер арқылы тарату күдігімен Қазақстан Республикасының 4 азаматы ұсталды. Олардың тұрғылықты жерлерінен жүргізілген тінтулер барысында заттай дәлелдемелер тәркіленді», – делінген сейсенбі күні таратылған хабарламада.
Аталған іс бойынша қылмыстық тергеу ҚР Қылмыстық кодексінің 256-бабы («Терроризмді насихаттау немесе терроризм актісін жасауға жария түрде шақыру») бойынша жүргізілуде.
