Ұлттық қауіпсіздік комитеті (ҰҚК) ЛГБТ-ға қарсы пікір білдірген парламент депутаттарына қатысты қорлау және ақпараттық шабуыл фактілерін тергемейді. Бұл туралы мәжілісмен Еділ Жаңбыршиннің депутаттық сауалына жауап ретінде хабарланды.
«Депутаттардың қызметтік міндеттерін орындауына байланысты қорлау және ақпараттық шабуылдарға қатысты Қылмыстық кодекс баптары ұлттық қауіпсіздік органдарының құзыретіне кірмейді», – делінген ҰҚК төрағасы Ермек Сағымбаевтың қол қойған жауап хатында.
Сондай-ақ, депутат Жаңбыршиннің ЛГБТ «насихатына» тыйым салу туралы петицияға қатысты шешімді қайта қарау талабына орай, ҰҚК төрағасы өткен жылы үкіметтің бұл петицияны қарап, оны ішінара қанағаттандыру туралы шешім қабылдағанын атап өтті.
