Атыраулық көпбалалы ана Дина Өтеғалиева сегіз баласының тұрмыс жағдайы қалыпты жағдайға сай келмейтіндіктен мамандандырылған балалар орталықтарына жіберуге мәжбүр болды, деп хабарлайды Kaztoday.kz.
Бұл туралы Halyqstan тілшісіне Атырау облысы бойынша Бала құқықтары жөніндегі уәкіл Айжан Сәрсембаева айтты.
Қирағалы тұрған үйді 2020 жылы көп балалы отбасына «Харекет» қоры сыйға тартқан. 2025 жылға қарай үйдің төбесінен су ағып, жылусыз қалған.
Атырау қаласы әкімдігінің жанындағы кәмелетке толмағандар істері жөніндегі комиссия ананың бес баласын кәмелетке толмағандарды бейімдеу орталығына, тағы үш баланы «Малютка» үйіне орналастырды. Балалардың үлкені қазір 16 жаста, кішісі бір жарым жаста.
Әйел тұрмыс жағдайы сәл жақсарған кезде балаларын қайтарамын деп отыр. Өтеғалиеваға депутаттар келіп, демеушілер табылса, көктемде шатырды жасаймыз деп уәде берген.
Айта кетсек, «Харекет» қоры кейінгі бес жылда облыстың мұқтаж тұрғындарына 51 үй берген. Олардың ешқайсысы жаңа емес.
