Қызылорда облысы бойынша ҰҚК департаментінің қызметкерлері Қазақстанда уақытша тұруға рұқсат беретін 80-нен астам құжатты заңсыз рәсімдеген қылмыстық топ мүшелерін ұстады, деп хабарлайды Kaztoday.kz.
Құжаттарды негізінен жақын шет елдердің азаматтары алған.
«Қылмыстық іс ҚР ҚК-нің 251-бабы 1-бөлігі, 394-бабы 2-бөлігі және 366-бабы 1-бөлігі бойынша тергеліп жатыр», — деп хабарлады ҰҚК баспасөз қызметі.
Заңсыз схемаларға жекеменшік нотариустар мен мемлекеттік қызметкерлер тартылған. Олар уақытша тұруға рұқсат (РВП) беру үшін пара алған. Енді оларға айыппұл, бас бостандығын шектеу немесе 5 жылға дейін бас бостандығынан айыру және мүлкін тәркілеу жазасы қарастырылған.
Дереккөз: ORDA
