Өскеменде 44 жастағы әйел медициналық көмексіз бала босанып, оны қоқыс контейнеріне тастаған, деп хабарлайды Kaztoday.kz.
Оның айтуынша, нәресте тіршілік белгісінсіз дүниеге келген.
Әйел жүктілік бойынша есепте тұрмаған және дәрігерлерге жүгінбеген. Кейінірек оны жедел жәрдем қызметі ауруханаға жеткізді. Жаңа туған сәбидің денесі өткен жексенбіде табылды.
Шығыс Қазақстан облысының полиция департаменті қылмыстық іс қозғалғанын хабарлады.
«Анасының жеке басы анықталды. Оқиғаның барлық мән-жайын анықтау үшін тергеу жүргізілуде», – деп мәлімдеді полиция департаменті.
Дереккөз: @ztb_qaz
