Қазақстанда мұғалімдердің жартысы 1,5 ставкамен (24 сағат) жұмыс істейді және орта есеппен айына 581 мың теңге алады, деп хабарлайды Kaztoday.kz Оқу-ағарту министрлігіне сілтеме жасап.
Өткен жылдың мәліметіне сәйкес, бір ставкамен (16 сағат) жұмыс істейтін мұғалімнің орташа жалақысы қалаларда 352 мың теңгені, ауылдық жерлерде 435 мың теңгені құрады. Сонымен қатар, педагогтердің жартысы 1,5 ставкамен жұмыс істейді.
Мұғалімдердің жалақысы бірнеше факторға байланысты: білімі, біліктілігі, еңбек өтілі, жүктеме көлемі, еңбек жағдайына байланысты қосымша төлемдер, академиялық дәрежесі, тәлімгерлік қызметі және сыныптан тыс жұмыстар.
Айта кету керек ауыл мұғалімдеріне ерекше көңіл бөлінеді, яғни олардың жалақысы қаладағы әріптестеріне қарағанда 25%-ға жоғары.
