Өскемен мен Семейді жарықтандыру кезінде 2,5 млрд теңге жымқырған, деп хабарлайды Kaztoday.kz.
Қаржы мониторинг агенттігінің мәліметінше, Шығыс Қазақстан облысы әкімдігіне қарасты компания басшыларының үстінен бір жыл бұрын қозғаған істі аяқтап, сотқа жолдаған.
Агенттік өкілдері күдіктілер «Өскемен және Семей қалаларындағы көше жарықтандыру жүйелерін жаңғырту» деп аталатын жоба арқылы жалған актілерге қол қойып, жабдықтар мен жұмыстардың құнын арттырып көрсеткен дейді.
Қоғам белсенділері «жоба іске асырылып жатыр делінсе де Өскемен мен Семейде көшелер қараңғы, жолаушылар өміріне қауіп күшейді» деп шағынған. Өскеменде жолаушыларды көлік қаққан бірнеше оқиға болған.
