28 наурызда Мьянмада 7,7 баллдық жер сілкінісі болды. Зілзаладан қаза тапқандар саны 2000-нан асуына байланысты елде бір апталық аза тұту жарияланды, деп хабарлайды kaztoday.kz.
Мьянманың премьер-министрі Мин Аун Хлайн аза тұту күні жөнінде ресми мәлімдеме жасады.
Қазіргі уақытта дүмпу салдарынан мерт болған адамдардан бөлек, 3 мыңға жуық адам зардап шеккені белгілі болды.
Апаттан Мьянманың тұтас аудандары қираған. Көршілес Тайландқа да әсер етіп, оннан аса тұрғын қайтыс болған. Сондай-ақ Бангладеш, Үндістан, Таиланд, Лаос және Қытайда да жер сілкінісі байқалған.
Мьянма билігі кез келген елден, кез келген ұйымнан гуманитарлық көмек сұрап, мәлімдеме жасады.
БҰҰ 23 мың зардап шеккен адамға шұғыл гуманитарлық көмек жіберді. АҚШ жергілікті ұйымдар арқылы көмекке 2 миллион доллар бөлетінін айтты.
