Сарапшы Қазақстанда заңгерлер даярлайтын жоғары оқу орындарын қысқартуды ұсынды, деп хабарлайды kaztoday.kz.
— Біз білімділіктің культін жоғалтып алғанымызды мойындауымыз керек. Оның орнына бізде жоғары оқу орындарында ақшаның культі пайда болды. Яғни, жоғары заң білімінің саласы коммерциялық салаға айналды.
Оқытушылар пайда табуға бағытталған ұйымдардың қызметкерлеріне айналды.
Салыстыру үшін: Тәуелсіздік алардың қарсаңында елімізде бар болғаны 55 жоғары оқу орны болды, онда барлық мамандықтар бойынша 60,5 мың студент оқыды.
Ал қазір елімізде 59 жоғары оқу орны бар, ал болашақта заңгер дипломын алатын студенттер – 36,5 мың, — деді Зауреш Баймолдина Сенаттағы заң білімін дамыту мәселелері жөніндегі парламенттік тыңдауда.
