Қазақстан ЕАЭО елдері арасында жұмыссыздық бойынша бірінші орынға шықты, деп хабарлайды kaztoday.kz.
«Орда» хабарлағандай, Еуразиялық экономикалық комиссияға (ЕЭК) сілтеме жасай отырып хабарлағандай, Қазақстан – жұмыссыздық бір жыл ішінде өскен ЕАЭО-дағы жалғыз ел.
ЕЭК 2025 жылғы ақпан айындағы жұмыссыздық статистикасын жариялады. Бұл мәліметке сәйкес, ЕАЭО елдерінде ресми тіркелген жұмыссыздар саны – 704,9 мың адам. Оның ішінде жартысына жуығы – 333,1 мың адам – Қазақстанға тиесілі. Қалған елдердегі жағдай мынадай:
▪️ Ресей – 283 мың
▪️ Қырғызстан – 48,4 мың
▪️ Армения – 37,1 мың
▪️ Беларусь – 3,3 мың
Сонымен қатар, Қазақстанда ресми жұмыссыздық деңгейі де өскен. ЕЭК дерегінше, 2024 жылдың басында елімізде жұмыссыздар саны 306,1 мың болған. Ал қалған елдерде бұл көрсеткіш төмендеген, оның ішінде Ресейде де – былтыр жұмыссыздар саны 406,3 мың адам болып, көш басында болған еді.
Жалпы, ЕАЭО бойынша ресми жұмыссыздық 14,8%-ға азайған. Ал Қазақстанда бұл көрсеткіш, ЕЭК бағалауынша, 0,3%-ға өскен.
