Алматыда қару сатқан полицейлер жазаланды, деп хабарлайды kaztoday.kz.
Бостандық аудандық соты үш полицейдің ісін қарап, үкім шығарды. Олар қару мен оқ-дәрілерді ұрлады деп айыпталды.
Соттың мәліметінше, Алматы қалалық Полиция департаментінің қызметкерлері есептен шығарылған қаруларды ұрлап, сатқан. Ааталмыш қылмысты Тыл басқармасына қарасты әскери және арнайы қамтамасыз ету бөлімінің аға инспекторы М.Ж., Полиция департаментінің криминалисті М.Ш. және жүргізуші Н.А. жасаған деп танылды.
Бостандық аудандық сотының үкімімен схеманың ұйымдастырушысы — Полиция департаментінің аға инспекторы М.Ж. 8 жылға, криминалист — 5,5 жылға, жүргізуші — 7 жылға бас бостандығынан айырылды.
«Қызметтік өкілеттіктерін пайдаланып, олар бірнеше мәрте алдын ала сөз байласу арқылы атыс қаруы мен оқ-дәрілерді ұрлаған. Бұл қарулар айғақ зат ретінде арнайы қоймаға тапсырылған. Олар бұл қаруларды заңсыз айналымға шығарған, қоғамдық қауіпсіздік пен тәртіпке қарсы әрекеттер жасаған, сондай-ақ мемлекеттік қызмет пен басқару мүддесіне қарсы ауыр қылмыстар жасаған», – делінген сот үкімінде.
