Елімізде баспана кезегінде тұрған азаматтарға жүргізілген тексеріс нәтижесінде 52 мың қазақстандық тізімнен шығарылды.
Отбасы банктің мәліметінше, аталған азаматтардың атында тұрғын үй тіркелген. Осыған байланысты олар баспанаға мұқтаждар санатынан алынып тасталды.
Бұл көрсеткіш тұрғын үй кезегінде тұрған 1 миллионға жуық адамның 5,2 пайызын құрайды.
2026 жылғы 14 қыркүйектен бастап Отбасы банк азаматтардың жеке деректерін қосымша келісімінсіз тексеру құқығына ие болды.
Ендігі кезекте ортақ меншігінде баспанасы бар азаматтардың да мәліметтері зерделенеді. Егер тұрғын үйге меншік құқығы расталса, олар да кезектен шығарылады.
Осылайша, баспана кезегіндегі тізім қайта қаралып, тұрғын үйге шын мәнінде мұқтаж азаматтарды анықтау жұмыстары жалғасуда.

