Руханият — KazToday https://kaztoday.kz Ақпараттық агенттігі Sun, 19 Apr 2026 13:22:41 +0000 ru-RU hourly 1 https://wordpress.org/?v=7.0 https://kaztoday.kz/wp-content/uploads/2024/12/cropped-Ресурс-2-32x32.png Руханият — KazToday https://kaztoday.kz 32 32 Шиеліде «Тағзым орны таза болсын, рух пен тазалық – егіз ұғым» атты жалпыхалықтық экологиялық акция өтті https://kaztoday.kz/2026/04/19/shielide-tazm-orn-taza-bolsn-ryh-p/ https://kaztoday.kz/2026/04/19/shielide-tazm-orn-taza-bolsn-ryh-p/#respond Sun, 19 Apr 2026 13:22:42 +0000 https://kaztoday.kz/?p=5118 Қызылорда облысының Шиелі ауданы аумағында «Таза Қазақстан» республикалық экологиялық бағдарламасы аясында «Тағзым орны таза болсын, рух пен тазалық – егіз ұғым» атты кең көлемді жалпыхалықтық тазалық акциясы ұйымдастырылды. Игі шара Мемлекет басшысы Қасым-Жомарт Тоқаев бастамашылық еткен экологиялық мәдениетті қалыптастыруға бағытталған бағдарламаны іске асыру және өңір басшысы Нұрлыбек Нәлібаев тапсырмаларын орындау мақсатында өткізілді.
Шиелі ауданы – тарихи тамыры терең, мәдени мұрасы бай өңірлердің бірі. Аудан аумағында мемлекеттік қорғауға алынған 49 тарихи-мәдени мұра нысаны орналасқан. Оның ішінде 3 ескерткіш республикалық маңызға ие болса, 28 нысан жергілікті маңызы бар мұралар қатарына жатады. Сонымен бірге, 18 тарихи нысан арнайы мұралар тізіміне енгізілген. Бұл деректер ауданның мәдени-тарихи әлеуетінің жоғары екенін аңғартады.
Өңірдегі ең көне жәдігерлердің бірі – Сауысқандық шатқалы аумағындағы жартастағы бейнелер. Ғалымдардың пайымдауынша, бұл құнды мұралар біздің дәуірімізге дейінгі ІІ мыңжылдықтан сыр шертеді. Ал Оқшы ата кесенесі – ел тарихындағы киелі орындардың бірі саналады. Мұнда Оқшы ата, Асан ата, Есабыз әулие, Ғайып ата, Бала би, Досбол би, Қыш ата секілді ел жадында сақталған тұлғалар мәңгілік тыныс тапқан.
Осындай қасиетті орындардың қадір-қасиетін арттыру, олардың тазалығы мен көркін сақтау мақсатында акция барысында киелі нысандар мен көпшілік зиярат ететін зираттар аумағында ауқымды абаттандыру жұмыстары жүргізілді. Атап айтқанда, ағаш көшеттері отырғызылып, қоршаулар ретке келтірілді, жолдар тазартылып, жөндеу жұмыстары қолға алынды. Сондай-ақ көгалдандыру, санитарлық тазалық және аумақтарды көркейту шаралары қатар атқарылды.
Жалпыұлттық бастамаға Айтбай Жандарбеков, аудандық мәслихат депутаттары, ардагерлер кеңесінің өкілдері, зиялы қауым мүшелері, мемлекеттік мекеме қызметкерлері, қоғамдық ұйымдар белсенділері мен жастар ұйымдары қатысып, ортақ іске жұмылды. Бұл шара тұрғындардың туған жерге жанашырлығы мен тарихи орындарға деген құрметін көрсетті.


Акция аясында аудан бойынша қасиетті орындар мен зираттардың аумағын тазалау жұмыстарына екі мыңнан астам тұрғын белсенді атсалысты. Ұйымдастырушылардың айтуынша, мұндай шаралар бір реттік науқанмен шектелмей, алдағы уақытта да тұрақты түрде жалғасын табады.
Мемлекет басшысы Қасым-Жомарт Тоқаев атап өткендей, «Таза Қазақстан» – қоршаған ортаның тазалығы ғана емес, ол ой-сана тазалығы мен рухани мәдениеттің көрінісі. Осы тұрғыдан алғанда, Шиеліде өткен акция табиғатты аялау мен ата-баба рухына тағзым етуді ұштастырған тағылымды шара ретінде көпшілік көңілінен шықты.

]]> https://kaztoday.kz/2026/04/19/shielide-tazm-orn-taza-bolsn-ryh-p/feed/ 0 CЫР ӨҢІРІНДЕ «ТАҒЗЫМ ОРНЫ ТАЗА БОЛСЫН, РУХ ПЕН ТАЗАЛЫҚ – ЕГІЗ ҰҒЫМ» АТТЫ ЖАЛПЫХАЛЫҚТЫҚ ТАЗАЛЫҚ АКЦИЯСЫ ӨТТІ https://kaztoday.kz/2026/04/19/cr-onirinde-tazm-orn-taza-bolsn-r/ https://kaztoday.kz/2026/04/19/cr-onirinde-tazm-orn-taza-bolsn-r/#respond Sun, 19 Apr 2026 10:54:40 +0000 https://kaztoday.kz/?p=5113 Бүгін Қызылорда облысында Мемлекет басшымыз Қасым-Жомарт Кемелұлының бастамасымен қолға алынған «Таза Қазақстан» экологиялық бағдарламасы аясында Облыс әкімдігінің ұйымдастыруымен «Тағзым орны таза болсын, рух пен тазалық – бір ұғым» атты жалпыхалықтық акциясы өтті.

Өңірдегі тарихи-мәдени ескерткіштер, киелі орындар мен көпшілік зират ететін барлық аумақтарға көркейту-көгалдандыру жұмыстары ұйымдастырылды. Сонымен қатар, ағаш отырғызу, қоршауларды ретке келтіру, жолдарды тазалау және жөндеу секілді жұмыстар да жүргізілді.

Сауабы мол игі шараға барша облыс тұрғындарымен қатар мәслихат депутаттары, ардагерлер, зиялы қауым өкілдері, мемлекеттік мекеме қызметкерлері, ассамблея, қоғамдық ұйымдардың мүшелері және жастар белсене қатысты.

Президентіміз «Таза Қазақстан дегеніміз – қоршаған ортаны таза ұстау ғана емес. Әрине, ол да маңызды. Сонымен бірге, бұл – ой-сана тазалығы деген сөз. Жан-дүниесі таза адам қайырымды, мейірімді болады», – деп, жалпыұлттық бағдарлама айналған бастаманың мәнін ашып берді.

Киелі орындарды зират етудің бұрыннан қалыптасқан ережелері бар. Оның ең негізгісі тазалықпен байланысты. «Өлі разы болмай, тірі байымайды» деген даналық өткенге құрмет көрсетудің маңызын ұғындырады.

Халқымыздың дүниетанымында қорымдар тек жерлеу орны ғана емес, дүниеден өткендерге құрмет көрсететін, ата-баба рухына тағзым ететін қасиетті жер. Сондықтан кесенелердің, қорымдардың тазалығына, қараусыз қалмауына ерекше мән беріледі.

Осындай тағылымды бастамалар арқылы қоғамда тазалыққа деген жауапкершілік артып, ұлттық құндылықтарымызға құрмет нығая түседі.

Айта кету керек, облыста 72 нысан киелі орындар тізбесіне енгізілген. Қасиетті кесенелерге жергілікті бюджеттен және демеушілердің қолдауымен реставрациялық, жөндеу жұмыстарын жүргізіп, келушілерге ыңғайлы әрі қолжетімді ету мақсатында инфрақұрылымдары жақсартылды.
Акция аясында аймақтағы 200-ге жуық қасиетті орындар мен зираттардың аумағын тазалау жұмыстарына 20 мыңнан аса тұрғындар белсенді қатысты.
Бұл бағыттағы игі істер алдағы уақытта да жалғасын табатын болады.

]]> https://kaztoday.kz/2026/04/19/cr-onirinde-tazm-orn-taza-bolsn-r/feed/ 0