Алматы қаласында түнгі уақытта жоғалған құлаққабын іздеп шыққан тұрғын соққыға жығылып, ауруханаға жеткізілді. Оны белгісіз ер адам есірткі жасырылған орынды («закладка») іздеп жүрген адам деп қателескен.
Оқиға қаланың 6-ықшамауданында болған. Полицияның мәліметінше, «102» арнасына жас жігіттің соққыға жығылғаны туралы хабарлама келіп түскен. Оқиға орнына Әуезов аудандық полиция басқармасының патрульдік экипаждары жіберіліп, күдікті азамат ұсталды.
Алдын ала анықталған мәліметтерге сәйкес, күдікті өз әрекетін жәбірленушіні есірткі жасырылған орынды іздеп жүрген адам деп ойлағанымен түсіндірген. Ал зардап шеккен азаматтың айтуынша, ол тек жоғалтып алған құлаққабын іздеп жүрген.
Шабуыл салдарынан жас жігіт дене жарақатын алған. Оқиға орнына жедел жәрдем шақырылып, ол медициналық тексеруден өту үшін ауруханаға жеткізілді.
Қазіргі уақытта аталған дерек бойынша полиция қызметкерлері сотқа дейінгі тергеп-тексеру жұмыстарын жүргізіп жат

Қолданыстағы заңнамаға сәйкес, шетелдік азаматтар мен азаматтығы жоқ адамдардың шетелдік немесе халықаралық жүргізуші куәлігі Қазақстан Республикасына кірген күннен бастап 60 күн өткен соң еліміздің аумағында жарамсыз болып есептеледі.
Осыған байланысты, Қазақстан аумағында көлік құралын заңды түрде басқаруды жалғастыру үшін шетел азаматтары Қазақстан Республикасының жүргізуші куәлігін алуы қажет.
Ол үшін үміткерлер белгіленген құжаттар топтамасын ұсынуы, шетелдік жүргізуші куәлігінің мемлекеттік немесе орыс тіліндегі нотариалды куәландырылған аудармасын тапсыруы және теориялық емтиханнан сәтті өтуі тиіс.
Сондай-ақ, 1968 жылғы 8 қарашадағы «Жол жүрісі туралы» БҰҰ Конвенциясының талаптарына сәйкес келмейтін мемлекеттердің жүргізуші куәліктері Қазақстан Республикасында алмастыруға жатпайтыны ескертілді.
Полиция қызметкерлері шетел азаматтарын жол қозғалысы ережелерін сақтап, жүргізуші құжаттарын уақытылы рәсімдеуге шақырады.

Аудит барысында мемлекеттен ауыл шаруашылығы өндірісін дамыту мақсатында субсидия алған 12 компанияның сүт өндірісі көлемі мен ірі қара мал саны туралы мәліметтерді шындыққа сәйкес келмейтін түрде көрсеткені анықталған.

Алдын ала мәліметтерге сәйкес, аталған кәсіпорындар өндірілген сүт көлемін жасанды түрде арттырып көрсетіп, субсидия алу үшін есептік көрсеткіштерді бұрмалаған. Соның салдарынан мемлекетке келтірілген залал көлемі 5 миллиард теңгеге бағаланып отыр.

Қазіргі уақытта жиналған материалдар құзырлы органдардың қарауына жолданып, процессуалдық шешім қабылдау мәселесі қаралуда. Егер заң бұзушылық фактілері толық дәлелденсе, кінәлі тұлғаларға қатысты қылмыстық іс қозғалуы мүмкін.

Құзырлы органдар тергеу нәтижелері бойынша қосымша ақпарат берілетінін мәлімдеді.

Әлеуметтік желілерде Алматы облысындағы ауруханалардың бірінде үш жаңа туған нәрестенің көз жұмғаны туралы ақпарат тарады. Марқұм болған сәбилердің туыстары үшінші баланың қайтыс болғаны жөнінде дер кезінде хабарланбағанын айтқан.

Оқиғаға қатысты Қарасай аудандық орталық ауруханасының мамандары түсініктеме берді. Дәрігерлердің мәліметінше, Ұзынағаш ауылында тұратын жүкті әйел босануға дейінгі медициналық бақылауда болған.

18 шілде күні таңғы сағат 03:00 шамасында әйел қағанақ суының кетуі мен толғақтың басталуына байланысты жедел жәрдем қызметімен ауруханаға жеткізілген. Мамандардың айтуынша, науқастың үшемге жүкті болуына және жағдайының күрделілігіне байланысты оны басқа медициналық мекемеге ауыстыру мүмкін болмаған. Мұндай шешім ана мен нәрестелердің өміріне қауіп төндіруі ықтимал болған.

Дәрігерлердің хабарлауынша, нәрестелер жүктіліктің небәрі 25-аптасында дүниеге келген. Олардың әрқайсысының салмағы 500 граммға да жетпеген.

Мамандардың сөзінше, мұндай мерзімде шала туған сәбилердің өмірлік маңызды ағзалары, әсіресе өкпесі мен орталық жүйке жүйесі толық қалыптасып үлгермейді. Сондықтан олардың өмірін сақтап қалу аса күрделі медициналық жағдайлардың бірі болып саналады.

Қазіргі уақытта аталған оқиға бойынша көрсетілген медициналық көмектің сапасына ішкі аудит жүргізіліп жатыр. Тексеру қорытындысы бойынша қосымша ақпарат беріледі.

Қолданыстағы талаптарға сәйкес, жеке тұлғалар бір жыл ішінде тек бір автокөлікті жеке пайдалану үшін жеңілдетілген тәртіппен әкеле алады. Бір жылдан ішінде бірнеше көлік әкелу кәсіпкерлік қызмет ретінде қарастырылып, тиісті салықтар мен кедендік төлемдер төленуі тиіс.
Сондай-ақ, көлік міндетті түрде техникалық талаптарға сәйкестігін растайтын көлік құралы конструкциясының қауіпсіздігі туралы куәлікпен (СБКТС) рәсімделуі қажет. Жеке тұлғалар үшін кедендік баж салығы көліктің қозғалтқыш көлемі мен шығарылған жылына қарай 48%-дан 54%-ға дейін белгіленген.
Ал заңды тұлғалар автокөлік импорттаған кезде 15% көлемінде кедендік баж салығын және 16% мөлшеріндегі қосылған құн салығын төлейді.
Мамандардың айтуынша, бейресми дилерлер арқылы әкелінетін кейбір көліктердің басқа елдерде кепілде болуы немесе іздеуде жүруі секілді тәуекелдер бар. Мұндай жағдайлар көбіне көлікті қайта сату кезінде анықталып, тұтынушылардың шығынға ұшырауына себеп болады.
Үкімет «сұр импортпен» күресті күшейтумен қатар, отандық автокөлік өндірісін дамытуға да басымдық бермек.

Түркістан облысының Сарыағаш ауданында психиатриялық және наркологиялық есепте тұрған 89 азаматтың көлік құралын басқару құқығы сот шешімімен тоқтатылды. Бұл шара аудан прокуратурасының жүргізген қадағалау жұмыстарының нәтижесінде қабылданды.
Анықталғандай, аталған азаматтар заң талаптарына қарамастан жүргізуші куәлігін алып, көлік басқару құқығына ие болған. Прокуратураның ұсынған қадағалау актісі негізінде сот олардың жүргізуші куәліктерінің күшін жою туралы шешім шығарды.
Сонымен қатар, тексеру қорытындысы бойынша заң талаптарының сақталуына жауапты болған лауазымды тұлғалар тиісті тәртіппен жауапкершілікке тартылды.
Қолданыстағы заңнамаға сәйкес, психикалық денсаулығында кінәраты бар немесе психоактивті заттарды пайдалануға байланысты медициналық есепте тұрған азаматтарға жүргізуші куәлігін алуға және көлік құралын басқаруға рұқсат етілмейді.
Бұл шара жол қозғалысы қауіпсіздігін қамтамасыз етуге және жол-көлік оқиғаларының алдын алуға бағытталған.