Министрлік Telegram-дағы арнасында 5 қаңтар күні сағат 06:00-де Полковничий аралында, Бүркіт ұясы маңында жеңіл автокөлік жардан Ертіс өзеніне құлап кеткені жөнінде хабарлама түскенін жазған. Алдын ала мәліметтер бойынша көлікте 4 адам болған.

«Рульді басқарған жүргізуші жағалаудан шығып, қоршаумен соқтығысқан. Апат салдарынын көлік өзенге құлаған. Оқиға орнына жедел түрде полиция қызметкерлері мен құтқарушылар жіберілді. Қазіргі уақытта іздестіру-құтқару жұмыстары жүргізіліп, оқиғаның барлық мән-жайы анықталып жатыр», — деді Семей полиция департаменті басшысы орынбасары Жандарбек Ахметжанов. 

Полиция өкілдері жол қозғалысы қауіпсіздігін қамтамасыз етудің маңыздылығын еске салады және жүргізушілер мен жолаушыларды мұндай қайғылы жағдайлардың алдын алу үшін жол қозғалысы ережелерін қатаң сақтауға шақырады.

Оқиға Арал ауданында болған. ӘМСҚ облыстық филиалы өкілдерінің сөзінше, бала әкесімен бірге балабақшадан қайтып келе жатқанда түйе сүрініп кетіп, бар салмағымен құлаған. Салдарынан бүлдіршін қыз ми жарақатын алған. Әкесі дін аман.

«Түйе бар салмағымен қызымның үстіне құлаған. Құдай сақтап, аман қалды. Тамилланың жағдайда ауыр еді, қазір беті бері қарады», — деді баланың анасы Нағима Жұмағалиева.

Диагностикалық тексеру кезінде баланың бас сүйегі шытынағаны анықталған.

«Бала ес-түссіз күйде ауруханаға жеткізілді, құлағынан қан кеткен. КТ арқылы тексеру жүргізілді. Бас сүйегінің самай бөлігінде шытынау анықталды. Мида қан ұю белгілері жоқ. Облыстық балалар ауруханасының нейрохирургтарымен кеңестік. Консервативті ем ұсынылды, науқас бақылауда», — деді аурухананың бөлімше меңгерушісі Тұрғанбек Ерсейітов.

Қазіргі таңда зардап шеккен бала ауруханадан тиісті емін алып, үйіне шығарылған.