Былтыр ІІМ «бақыланатын жеткізу» әдісін пайдалана отырып, 21 іс-шара өткізген.

Нәтижесінде есірткі жеткізудің 94 ішкі арнасын анықтаған. Осылайша құзырла орган өкілдері 137 келіден астам синтетикалық есірткі және екі тонна прекурсор тәркіледі.

– Бұл бағытта халықаралық ынтымақтастық маңызға ие. Қырғыз Республикасының ІІМ-мен бірлесіп, Жамбыл облысында екі сыртқы операция жүргізілді, бұл екі трансұлттық есірткі каналының жолын кесуге мүмкіндік берді. 16 келіден астам гашиш тәркіленді. Бұл бағыттағы жұмыс жалғасуда, – деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.

Атыраулық спортшы салмағы 94 тонна болатын вагонды сүйреп, елді таңғалдырды, деп хабарлайды Kaztoday.kz.

Құрманғазы ауданының тұрғыны Ерсейіт Бралин көмір тиелген 94 тонналық вагонды сүйреп, Қазақстанның батысы бойынша рекорд орнатты. Бұл туралы Өңірлік коммуникация қызметінің Instagram желісіндегі парақшасында жарияланды.

Ерсейіт бұған дейін пауэрлифтингтен әлем чемпионы, Азияның қола жүлдегері, сондай-ақ, Батыс Қазақстан бойынша «Толағай алыптар» сайысының чемпионы атанған. Қазіргі уақытта ол – пауэрлифтинг пен грэпплингтен спорт шебері.

«Осылай ауыр салмақта жүк көтеруге қызығушылығым бұрыннан бар. Болашақта осы салада шәкірт тәрбиелеп, чемпиондарды шығарғым келеді. Қазірде Атыраудағы «Санатория» фитнес орталығында жаттығып, жарысқа шығамын. Жаттықтырушым Александр Литвиновқа алғысым шексіз», — деді cпортшы. 

Ол алдағы уақытта Қазақстан бойынша рекорд жаңартып, 120 тонна болатын 5 вагонды сүйреуді мақсат етіп отыр.