Оның айтуынша, қазіргі уақытта екі триллион теңге қайтарылған, бірақ бұл тек бірнеше олигархқа тиесілі активтер ғана.

«Соңғы екі жылда мемлекеттік бюджетке шамамен екі триллион теңге қайтарылғаны туралы ақпарат бар. Бірақ мемлекеттік органдар бұл қаражат халыққа қажетті әлеуметтік инфрақұрылымдарды салуға жұмсалып жатқанын айтады. Бұл белгілі бір сұрақтар туындатады. Бұл екі триллион теңгені тек екі-үш компания ғана қайтарды.

Ал қалған олигархтар қайтаруға тиіс активтер қайда? Парламент депутаттары активтерді қайтару туралы заңды қабылдады, бірақ оның орындалу барысы туралы бүгінге дейін нақты ақпарат білмейді. Біз бұл туралы ақпаратты ақпараттық порталдардан немесе шетелдік ресурстардан емес, тікелей жауапты органдардан естігіміз келеді», – деді депутат.

Айта кетейік, қазір Мәжілісте Президент Қасым-Жомарт Тоқаевтың саяси реформаларын жүзеге асыруға арналған пленарлық отырыс өтіп жатыр.

Дереккөз: ORDA