Бурабайда өткен IV Ұлттық құрылтайда Қазақстан Президенті Қасым-Жомарт Тоқаев тұтынушылардың құқықтарын қорғау мәселесіне ерекше назар аударды. Мемлекет басшысы халықты алдап, заңсыз пайда тауып жүрген жалған психологтар мен коучтардың әрекетіне қатысты көптеген шағым түскенін атап өтті. Осыған байланысты жауапты органдар бұл мәселені бақылауға алуы тиіс екенін ескертті.

Жалған коучтар мен алаяқтар көбейді

Соңғы жылдары қазақстандықтар түрлі бағыттағы тренингтер мен курстарға қатысып, үлкен табысқа жетеміз деген үмітпен алаяқтардың құрбаны болуда. Арыз-шағымдар көбейіп, әсіресе мынадай бағыттарда жалған мамандардың белсенділігі байқалуда:

Шетелдік университеттерге оқуға түсуге кепілдік береміз деп уәде ететін білім беру орталықтары.

«Аптасына 1 миллион теңге табасың» деп сендіретін бизнес-коучтар.

Дипломсыз психологтар мен ғылыми негізі жоқ «нумерология академиктері».

Тендерлерді 100% жеңіп алуға үйретеміз деп алдайтын алаяқтар.

Алаяқтарды тоқтату үшін жаңа заң дайындалуда

Мәжіліс депутаты, Ұлттық құрылтай мүшесі Мұрат Әбеновтің айтуынша, бұл мәселені заңнамалық жолмен шешу үшін жаңа нормалар әзірленуде. Ғалым Марат Башимовпен бірге Тұтынушылардың құқықтарын қорғау туралы заңға арнайы өзгерістер енгізілмек.

Ұсынылып отырған өзгерістер:

Әлеуметтік желідегі кез келген уәде – заңды құжатқа теңестіріледі.

Коучтар мен басқа да қызмет ұсынушылар жарнамада қандай уәде берсе, ол ресми оферта (ашық келісімшарт) ретінде қарастырылады. Клиент оны дәлел ретінде сақтап, уәде толық орындалмаған жағдайда заңды түрде талап ете алады.

Кәсіби біліктілік расталуы тиіс.

Егер жарнамада белгілі бір мамандық көрсетілсе, ол ресми құжатпен дәлелденуі қажет. Егер жалған ақпарат берілсе немесе қызмет сапасыз болса, тұтынушы ақшасын қайтарып алуға құқылы.

Жалған жарнама үшін жауапкершілік күшейтіледі.

Мемлекетке жалған ақпарат таратқаны үшін кінәлі тұлғалар әкімшілік жауапкершілікке тартылады.

Кепілдендірілген нәтижеге қол жеткізбесе, сотқа жүгіну мүмкіндігі беріледі.

Клиент уәде етілген қызмет толық орындалмаса, сотқа шағымданып, ақшасын қайтарып ала алады.

Заңсыз әрекеттерге барған қызмет көрсетушілердің шоттары бұғатталады.

Егер тұтынушының заңды талабына құлақ аспаса, қызмет көрсетушінің банктегі шоттары жабылып, мәжбүрлеп төлеу шаралары қабылданады.

Жаңа заң жобасы жақын арада Мәжілісте қаралады

Мұрат Әбеновтің айтуынша, бұл заң жобасы Мәжілісте қаралып, депутаттардың қолдауына ие болады деп күтілуде. Егер аталған өзгерістер қабылданса, Қазақстанда тұтынушылардың құқықтары барынша қорғалып, жалған коучтар мен алаяқ психологтардың заңсыз әрекеттеріне тосқауыл қойылмақ.

20-дан астам адам алаяқтың құрығына түскен.

Сот барысында түркістандық азаматтың кінәсі толық дәлелденді.

Өз кезегінде алаяқ 6 жыл мерзімге бас бостандығынан айырылды.

Дереккөз: @sputnik_aitady

Бірінші жағдайда Қонаев қаласының 31 жастағы тұрғыны азаматтардың сеніміне кіріп, заңсыз түрде пайда тапқан. Сондай-ақ оның тағы бір өрескел іске қатысы бар екені анықталды – балаға емге қаражат жинап, адамдарды алдаған.

Екінші жағдайда 26 жастағы ер адам өзін жүк тасымалдаушы ретінде таныстырып, тауарды жеткіземін деген уәдемен 180 мың теңгені иемденіп кеткен.

«Барлық факті бойынша қылмыстық істер қозғалып, тергеу амалдары жүргізілуде. Құқық қорғаушылар күдіктілердің басқа алаяқтық әрекеттерге қатыстылығын тексеруде. «ANTI-FRAUD» операциясы жалғасуда, ал полиция азаматтарды сақтық танытып, алаяқтық схемалары туралы хабарлап отыруға шақырады», — деп мәлімдеді киберполиция қызметкерлері.

Ішкі істер министрлігі алаяқтықтың жаңа түрлерінен сақтануға шақырады.

Былтыр елімізде 2,5 мыңнан астам тұрғын жалған қорларға ақша салып, алаяқтарға алданып қалған.

Министрлік жылдам баюға шақыратын жарнамалардан, сенімсіз сілтемелерге кіріп, дерек толтырудан және шектен тыс көп хабарласатын қоңыраулардан сақ болуды ескертеді.

Жарнама видеосындағы танымал адамдардың бет-әлпетінің қозғалысы мен дауысының дұрыс үйлесуіне назар салыңыз.

Сұмдық оқиға туралы Диас Нұрақын есімді әлеуметтік желі қолданушысы жазды.

Оның сөзінше, Ақтөбеде жүзге жуық тұрғынды алаяқ емші алдап соғыпты. Келген науқастарды гипноз арқылы ұйықтатқан «емші» олардың телефондарынан онлайн несие рәсімдеген.

Диас Нұрақынның ақпаратына сүйенсек, елді «есінен тандырған» емшінің есімі — Сұлушаш Қазыбаева. Оған барғандар 1 миллион теңгеден 18 миллион теңгеге дейін алданған. Тіпті емшінің туыстары мен ауылдастары да арбалып қалған.

Алданған адамдар бүгін прокуратура мен полицияға барған. Қазір емші қамауда отыр. Тергеу жұмыстары жалғасуда.