Жергілікті халықтың айтуынша, қала әкімдігі тұрғындарды хабардар етпестен, жасырын түрде ыстық су жүйесіне арналған ескірген, тот басқан және адам өміріне қауіпті құбырларды орнатуды жоспарлап отыр.

Бұл жағдай тұрғындардың денсаулығына тікелей қауіп төндіріп қана қоймай, экологиялық апатқа әкелуі мүмкін.

Письма Президенту арнасы мәселеге қатысты ҚР Президент Әкімшілігінен қатаң шара қолдануды сұраған жазба мен видео жариялады.

Әсет Шопанов Ақтау қаласы әкімінің орынбасары болып тағайындалған соң келесі күні жұмыстан шығып кеткен. Жергілікті әкімдіктің баспасөз қызметінің мәліметінше, Әсет Шопанов Ақтау әкімі орынбасарының қызметінен өз еркімен босатылған.

“Әсет Шопанов 3 наурызда Ақтау әкімінің орынбасары қызметіне тағайындалды. Келесі күні, 4 наурызда ол жұмыстан шықты»,-делінген баспасөз хабарламасында.

4 наурызда БАҚ шенеуніктің бұған дейін мас күйінде көлік жүргізгені үшін 15 тәулікке қамалғанын және қатаң сөгіс алғанын хабарлаған болатын.

Сот Солтүстік Қазақстан облысы бойынша Экономикалық тергеу департаментінің бастамасымен Сәдуақасовқа іздеу жариялады.

2024 жылдың желтоқсанында Петропавлда алқабилер заңсыз кәсіпкерлік және жер қойнауын рұқсатсыз пайдаланды деп айыпталған «Тиолайн» компаниясының тең иесі және атқарушы директоры Виктор Долгалев пен оның ұлы – «Обухов тау-кен байыту комбинаты» ЖШС директорының ісі бойынша айыпты емес үкімді шығарды. Долгалевке арандатушылар арқылы пара алуға әрекеттенді деген де айып тағылды. Пара алуға және алаяқтыққа шақырды деп айыпталған Тимур Сәдуақасов та дәл осы іске қатысты.

Айыптаушы тараптың мәліметінше, 2021 жылдың наурыз айында ҚР Индустрия және инфрақұрылымдық даму министрлігі келісімшарт талаптарын жүйелі түрде орындамағаны үшін «Тиолайн» ЖШС-не жер қойнауын пайдалануға арналған келісімшартты бұзу туралы хабарлама жіберген. Долгалев бұл ескертуге сотқа шағымданып, құқық қорғау органдарының пікірінше, заңсыз болған кен орнында жұмысын жалғастырды.

Долгалевтің жер қойнауын өз бетінше пайдаланғаны үшін келтірілген шығын көлемі шамамен 4 триллион теңгені, ал заңсыз кәсіпкерлік қызметтен түскен кіріс 23 миллиард теңгеден асады. Сонымен қатар, Виктор Долгалевке шенеуніктерге пара беруге әрекеттенді деген айып тағылды.

Алқабилердің ақтау үкімімен келіспеген прокурорлар апелляциялық, ал жәбірленуші тарап апелляциялық шағым түсірді. 2025 жылдың қаңтарында Солтүстік Қазақстан облыстық сотының қылмыстық істер жөніндегі алқасы бірінші сатыдағы соттың қаулысын бұзып, қылмыстық істі жаңадан сот талқылауына жіберуді ұйғарды. Ал айыпталушыларға қатысты қамауға алу түріндегі шара таңдалсын.

Тимур Сәдуақасов 2019 жылдың 18 ақпанында Ақтау қаласы әкімінің орынбасары болып тағайындалды.

2025 жылдың 25 қаңтарында әлеуметтік желілерде қазақстандық продюсер, қоғам қайраткері, журналист және жазушы Дана Орманбаеваға халықаралық іздеу жарияланғаны туралы ақпарат пайда болды.

Фото: lada.kz

Мұнай компаниясының 250 жұмысшысы бір күнде жұмыстан шығып қалған. Бұл жөнінде журналист Диас Нұрақын әлеуметтік желідегі жеке парақшасында жазды. 

Оның сөзінше, жұмыссыздықпен күреспей, алдын-ала бұлай боларын болжамаған жергілікті билік кінәлі.

Ақтау дүрлігіп жатыр. Қаладағы мұнай құбырларын шығаратын ірі зауыт жабылып, 250 жұмысшы бір күнде далада қалған. Екі қолға бір күрек таппаған топ бүгін наразылыққа шықты. Осылайша Президент айтқан “Жұмысшы мамандықтар” жылы теңіз жағасында “жұмысшы мамандықтарды жаппай жұмыссыз қалдыру” науқанына ұласты. 250 адамның отбасында кемі төрт адамнан бар дегенде, мың адам бір күнде нәпақадан қағылды. Онсыз да мұнайшылары дүркін-дүркін ереуілге шығып, әлеуметтік жағдай шиеленісіп тұрған өңірде жүздеген адамның жұмыссыз қалуы катастрофа. Бұған бірінші кезекте жұмыссыздықпен күреспеген, алдын-ала осылай боларын болжамаған жергілікті билік кінәлі, делінген жазбада.

Ақтауда жаңадан салынған мектепте орыс тілі сыныбы ашылмағаны үшін шу шықты.

Ата-аналар №31 орта мектептің құрылысы салынып жатқан уақытта аралас мектеп ретінде ашылуы тиіс болған. Бұл туралы білім бөлімі мен аталмыш мектептің Instagram парақшасында да жарияланыпты.

6 қаңтар күні жаңа мектепке құжат қабылдау басталған. Тиісті сала өкілдері бұл білім ошағына алдымен 17,19,33 шағынауданда тұратын балалар қабылданатынын мәлімдеген.

Ата-аналардың сөзінше, өткен аптаның аяғында білім бөлімінің мамандары орыс сыныптары да ашылатынын айтқан. Бірақ бірақ 200-ге жуық баланың құжатын қабылдамай қойған. Себебін мектептегілер қалалық білім басқармасындағыларға сілтеген.

Бұл балаларымыздың құқығы бұзылып отыр. Олардың қазақ тілінде оқитын оқушылардан несі кем? Олар да осы шағын ауданда тұрып, толық білім алуға құқылы. Ең болмағанда 1-ден 7-сыныпқа дейін әр параллельде орыс тілінде оқытатын бір-бір сыныптан ұйымдастырсын, — дейді ата-аналар.

Қалалық білім бөліміндегілер «ата-аналардың арызын алған және бұл мәселе қарастырылады деп уәде берген. Ол үшін арнайы комиссия құрылған. Бірақ комиссия орыс сыныптарын ашпау туралы шешім қабылдағанын» айтып отыр.

Біріншіден, кадр жетіспейді. Екіншіден, мектепте орын аз. Мектеп 900 орынға шақталған. Оның үстіне, балаларды мемлекеттік тілде оқуға қабылдауға 1500 өтініш түскен. Осыған байланысты шенеуніктер ешқандай көмек көрсете алмайды”.