Өзбекстандық боксшы Шахрман Гиясов Buka Gym спорт залында аюмен күресіп жатқан видеосы желіде тарады. Осыған сәйкес танымал спортшыға айыппұл салынды. 

Бейнежазбада Шахрман Гиясовтың арқандалған аюмен алысып, оны жерге атып ұрғанын көруге болады. Аңның тұмсығына тұмылдырық кигізілген.

Желіде желдей ескен бұл видеоға «Mehr va Oqibat» жануарларды қорғау қоғамы шағым түскенін жазды.

Жазбаны жіберген оқырмандар ол көріністен шошығанын жеткізген. Қорғау қоғамының ақпаратынша, сол жерде басқа да спортшылар болған және аюдың тырнақтары жоқ екені белгілі болған.

Ұйым аталмыш жағдайды ескеріп Ішкі істер министрлігіне және Экология, қоршаған ортаны қорғау министрлігіне шағым дайындаған.

Sputnik Узбекистан мәліметінше, боксшы Шахрма Гиясовқа 1 миллион 125 мың өзбек сумы (шамамен 46 мың теңге) көлемінде айыппұл салынған. Аю Ферғана хайуанаттар бағына тапсырылды.