Сұмдық жағдай Жамбыл аудандық сотында кәмелетке толмаған балаға қатысты денсаулыққа қасақана жеңіл зиян келтіру фактісі бойынша қаралды. Сот баланы әйелдің асырауынан алуға үкім шығарды.

Сот барысында сотталушы әйел былтыр желтоқсан айында үйінен 1 млн теңге ақша жоғалғанын анықтап, оны өзінің асырап алған ұлынан көргені белгілі болды.

Бала «ақшаны алмадым» деп жауап берген. Алайда «анасы» оны оқтаумен сабаған. Келесі күні колледж оқытушылары баланы ауруханаға апарады. Сараптама қорытындысына сәйкес, кәмелетке толмаған М-ның денсаулығына жеңіл зиян келтірілген.

Сотталушының кінәсі жәбірленушінің, куәлердің айғақтарымен және сот-медициналық сараптаманың қорытындысымен дәлелденді. Сотталушы кінәсін толық мойындады. Жәбірленуші М. асырап алған анасына ешқандай шағымы жоқ екенін, оны кешіретінін, бірақ онымен бірге өмір сүргісі келмейтінін айтты.

Тәрбиешілердің қарауынсыз қалған балалар терезеден шығып, шатырда ары-бері жүргенін куәгерлер көріп, видеоға түсіріп алған. Болған жағдайға қатысты полиция түсініктеме берді.

“Полиция қызметкерлері балалардың қауіпсіздігін қамтамасыз ету талаптарын бұзғаны үшін мектепке дейінгі мекеме меңгерушісін әкімшілік жауапкершілікке тартты. Мұндай жағдайлардың алдын алу үшін терезелерге қорғаныс торлары мен арнайы бұғаттағыштар орнатылды. Қауіпсіздік талаптарын қамтамасыз етпеген қызметкер атқарып отырған қызметінен босатылды”, – деп мәлімдеді Алматы облысы полиция департаменті.

Аталған факті бойынша қызметтік тексеру жүргізіліп жатыр. Материалдар уәкілетті органдарға жолданды.

Дереккөз: @sputnik_aitady

Колониядағы балалардың сырқаттануы жөнінде Адвокат Айман Омарова мәлімдеді. Оның айтуынша, аналарымен бірге жүрген он төрт бала уланып қалған. Үшеуінің жағдайы ауыр, оны аналарынсыз ауруханаға апарылған.

Аналарды баласымен ертіп жүретін қызметкер болмапты-мыс. Балалар уланды ма, әлде инфекция жұқтырып алды ма – әзірге белгісіз, дейді адвокат.

Шығыс Қазақстан облысы, Серебрянск қаласындағы девиантты мінез-құлықты балаларға арналған арнайы мектептен төрт тәрбиеленуші қашып кетті.

9-10 сыныптың оқушылары өрт шығу есігін бұзып, мектеп аумағынан шығып кеткен. Бірнеше сағат өткен соң, әлеуметтік желілерде олардың тоңып, көмек сұрап жатқан видеосы пайда болды. Жасөспірімдер қоғамдық дәретханада жасырынған, олар суықтан қолдарының үсігенін айтып, көмекке шақырған. Қашқын балалардың үстінде қыстық сырт киім мен қолғап болмаған.

Аязда олар үш сағаттай отырған. Кейін барлығын дәрігерлер тексеруге алып кетті, олардың екеуінде үсік белгілері анықталған.

Әлеуметтік желі қолданушылары оқушылардың қашуына мектеп қызметкерлерінің қатыгез қарым-қатынасы, сонымен қатар тәрбиеленушілерге көрсетілетін қорлық пен мазақ себеп болуы мүмкін деп болжап отыр.

Оқиғадан кейін облыстық білім басқармасы мен өңірлік бала құқықтары жөніндегі уәкіл баспасөз жиынын өткізді. Қазіргі уақытта екі тәрбиеленуші мектеп өкілі мен полиция қызметкерлерінің қатысуымен түсініктеме беріп жатыр.

«Бұл – жабық типтегі мекеме, мұнда шектеулі кеңістікте қалу балалар үшін оңай емес», – дейді өңірлік омбудсмен Ақсана Каленова.

Оның айтуынша, бұған дейін арнайы мектепке қатысты ешқандай шағым түспеген. Желтоқсан айында анонимді сауалнама жүргізілгенімен, ешбір тәрбиеленуші зорлық-зомбылық туралы хабарламаған.

«Қашып кеткен балалардың ата-аналары бала құқықтары жөніндегі уәкілге тікелей жүгінуге құқылы. Алайда олар әзірге байланысқа шыққан жоқ», – деді Каленова.

Сонымен қатар, ол балалардың мектептен қашу фактісінің өзі олардың құқықтарының бұзылғанын білдіруі мүмкін екенін атап өтті. Қазіргі таңда оқиға бойынша тергеу жүріп жатыр.

Айта кетейік, өткен қараша айында Павлодар облысындағы балалар үйінде зорлық-зомбылық оқиғалары жиілегені туралы хабар тараған еді.

Тимур Бектұр қазіргі балалардың ештеңеге қызығушылығы жоғын тілге тиек етті.

Шынымды айтайын, өзіміз қараптан-қарап өсіп кеткен соң, қазіргі балалар да солай “қараптан-қарап өсіп кетеді” деп ойлағам ғой.

“Қараптан-қарап өздері өсіп кетеді деп ойладым” дегендегі айтпағым — кезінде біздің қызығушылықтарымыз, армандарымыз болды ғой, қазіргі балаларда да солай біздікіндей аутомат қызығушылық, құлшыныс болады дегем. “Бақсам бақа екен” демекші. Не тут-то было. Дымға қызықпайды. Ешқандай құлшыныс жоқ, деді ол.

“Неге?” деген сауалына өйткені, бұларда барлығы бар дейді ІТ ағартушы.

Қызық керек пе? Смартфон, ойын, ойыншық, ойын-сауық орталығы, барлығы бар.

Біздің кезімізде тіпті оқитын кітап та жоқ еді ғой. Қазіргі балаларға комикс те әпердік, фантастика, ертегі, повесть, роман, қысқа әңгімелер, шетелдік әдебиеттің аудармасы — Құдай-ау не қалайды, барлығы тұр. Оқымайды емес, оқиды. Бірақ біз сияқты құнығып, сіміріп, ішіп отырған тамағын ұмытып кетіп оқымайды. Әйтеуір, тек оқиды. Робототехника? Тұр. Сурет салғың келе ме? Акварель, гуашь, акриль — барлығы тұр. Тағы не десе, барлығы бар. Бірақ көзінде ұшқыны бар бала жоқ, дейді Тимур Бектұр.