Арқалық қаласында 35 жастағы жергілікті тұрғын, блогер ретінде танымал азамат ұсталды. Prokadrykz мәліметінше, оның «Арайлы Арқалық» атты YouTube арнасы бар, жазылушыларының саны 30 мыңнан сәл асады.

Облыстық полиция департаментінің мәліметінше, күдікті адамдарға қарызға ақша ұсынып, кейін оны қайтармаған жағдайда жәбірленушілерден интимдік қатынас талап еткен. Бас тартқан жағдайда күш қолданған. Жәбірленушілер арасында кәмелет жасына толмағандар жоқ екені нақтыланды.

Жәбірленушілер арыз жазғаннан кейін бұл қылмыстардың жүйелі түрде жасалғаны белгілі болды. Қазір тиісті сот-медициналық сараптамалар тағайындалды. Күдікті арнайы жасақтың көмегімен ұсталып, сот санкциясымен қамауға алынды.

Күдіктіге 9 жылдан 12 жылға дейін бас бостандығынан айыру жазасы қарастырылған.

Полиция қызметкерлері жәбірленушінің арызы бойынша кәсіпкер мен екі блогерді қолға түсірген.

Құзырлы орган өкілдерінің ақпаратынша, күдіктілер әлеуметтік желілерде компроматтар жариялаймыз деп қоқан-лоққы көрсетіп, 8 млн теңге бопсалаған.

– Сондай-ақ олар жәбірленушіні сот шешімімен кәсіпкер төлеуге міндеттелген 20 млн теңгені талап етуден бас тартуға көндірмек болған. Күдіктілер 10 млн теңге алып жатқан жерінен ұсталды, — деп хабарлады полиция.

Қазіргі уақытта олар ҚР ҚПК-нің 128-бабына сәйкес олар уақытша ұстау изоляторына қамалды. Бопсалау дерегі бойынша қылмыстық іс қозғалды.

Маңғыстау облысында апатқа ұшыраған ұшақты дронмен әуеден видеоға түсіргені үшін блогер Азамат Сәрсенбаев 10 күнге қамалған болатын.

Полицияның ақпаратына сәйкес, блогер қоғамдық тәртіп бұзғаны үшін ұсталған.

«Ол оқиға орнында дрон ұшырып, құтқару қызметтерінің жұмысына және тергеу іс-шараларына кедергі келтірді, сондай-ақ полиция қызметкерлерінің заңды талаптарына бағынбады», – деп түсіндірген ДП өкілдері. 

Блогер өзінің Instagram-дағы жеке парақшасында бостандыққа шыққанын айтты.

«Ер адамның басынан не өтпейді!? Үйден 150 шақырым алыста 10 күн оқшау жатып, басымнан осы ой кетпеді. Шынымды айтсам, осылай болғанына да қуандым. Шыңдалдым, мықтырақ болып, өз ұстанымымды одан сайын бекемдедім. Айтарым көп», — деді Азамат Сәрсенбаев.