Бас прокуратура дерегінше, ер адам «Қызылорда-Семей» жолаушы поезымен 2 кг-нан астам марихуана тасымалдап келе жатқан.

Түркістан станциясында оны көлік полициясының қызметкерлері жедел шаралар барысында ұстады. Сот оны есірткі заттарын заңсыз сатып алу, сақтау және тасымалдау мақсатында сату үшін жасаған қылмысы бойынша кінәлі деп тапты.

Үкім – 8 жылға бас бостандығынан айыру.

Үкім заңды күшіне енді. Көлік прокуратурасы азаматтарды есірткі бизнесіне тартылмауға және заң мен тәртіп әрқашан бірінші орынға қойылатынын есте сақтауға шақырады.

Қазіргі уақытта ол уақытша ұстау изоляторына қамалды.

Бұл туралы Астана қалалық полиция департаменті мәлім етті.

Ер адамның қонақ үйлердің бірінде жұмыс істегені және сол жерде де тыйым салынған заттарды таратқаны анықталды.

Ол бұған дейін бірнеше рет сотталған.

Дереккөз: @sputnik_aitady

Сырдария аудандық прокуратурасының үйлестіруімен «Нашақорлыққа жол жоқ» жобасы аясында жұмысшы топпен бірлескен шаралар нәтижесінде аудан тұрғыны ірі мөлшерде сора тұқымдас өсімдігін заңсыз егіп өсірумен айналысатын фитозертхана және аса ірі мөлшерде кептірілген марихуана анықталды.

Қызылорда облысының бас прокуратурасы хабарлағандай, анықталған азаматтың тұрғылықты үйіне тінту жүргізу кезінде ыдыстарға отырғызылған 78 түп қарасора, есірткі затын өсіруге арналған жабдықтар, сондай-ақ екі дана пластикалық ыдысқа салынған кептірілген марихуана тәркіленді. Жалпы 2,7 кг кептірілген марихуана және 13 кг қарасора өсімдігі анықталды.

Қазіргі уақытта аудандық полиция бөлімімен Қазақстан Республикасының Қылмыстық кодексінің 297-бабы 3-бөлігінің 3) тармағымен және 300-бабының 2-бөлігінің 3) тармағымен қылмыстық істер тіркеліп, сотқа дейінгі тергеп-тексеру жүргізілуде.

Сырдария ауданының прокуратурасы азаматтарды мұндай фактілер анықталған жағдайда өз азаматтық борышы ретінде дереу 102 нөмеріне хабарласуға шақырады.

Соңғы жыл ішінде 8 000-нан астам есірткі қылмысы анықталды.

Олардың арасында қылмыскерлердің бейтаныс адамдарға, әсіресе қыздарға, сусындарына есірткі заттарын қосу жағдайлары жиі кездеседі.

Елорданың есірткі қылмысына қарсы іс-қимыл басқармасы осылай деп ескерту жасады.

Мамандар өзіңіз бен жақындарыңызды қорғау үшін арнайы есірткі заттарын анықтайтын тест-жолақтарын бірге алып жүруді ерекше қозғап өтті.

Айта кетейік, мұндай жолақтар дәріханаларда қолжетімді, кішкентай, көп орын алмайды және ең бастысы – бір минут ішінде қауіпті заттардың бар-жоғын анықтауға көмектеседі.

– Бұл – қылмыстың алдын алудың және өз қауіпсіздігіңізді қамтамасыз етудің қарапайым, бірақ тиімді тәсілі, дейді полицейлер.

Дереккөз: Ulysmedia.kz.

Самара-Шымкент тас жолының бойында, Төретам кенті тұсында жылдамдықты асырған көлікті тәртіп сақшылары тоқтатқан. Жолаушыны тексеру барысында 4 полиэтилен пакетке оралған салмағы 20 кг болатын кептірілген марихуана анықталып, айғақ зат ретінде тәркіленді.

Аталған құқық бұзушылық дерегі «Нашақорлыққа жол жоқ» жобасы аясында анықталған. Қызылорда облыстық прокуратурасының үйлестіруімен ҚР ІІМ Байқоңыр қаласындағы Өкілдігінің полиция қызметкерлері бірігіп, есірткі тасымалының жолын кесті.

Аса ірі мөлшердегі есiрткi, психотроптық заттарды, сол тектестерді өткізу мақсатында заңсыз тасымалдау фактісі бойынша Қылмыстық кодекстің 297-бабының 3-бөлігімен қылмыстық іс қозғалып, күдіктіге қатысты күзетпен ұстау бұлтартпау шарасы қолданылды.

Polisia.kz Түркістан облысында есірткі қылмысына қарсы іс-қимыл бөлінісінің қызметкерлері 38 жастағы ер адамды ұстағанын хабарлады. Күдікті құрамында есірткі бар өсімдіктерді заңсыз өсірген.

– Оның үйінің бақшасынан заңсыз фитозертхана анықталды. Арнайы жабдықтар мен жалпы салмағы 60 килограмнан астам есірткі салынған қаптар тәркіленді. Сонымен қатар күдіктінің үйінен екі атыс қаруы табылды. Сараптамалар тағайындалды. Бұл бағыттағы жұмыс жалғасуда, – деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.

Polisia.kz ер адам Түркия Республикасының құқық қорғау органдарымен іздеуде жүрген деп хабарлады.

Анықталғандай, 2021 жылы күдікті басқа адамдармен бірге Ыстамбұлға теңіз арқылы «кокаин» есірткі затын жеткізуді ұйымдастырған.

Қаскөйдің ұсталуы екі елдің құқық қорғау органдарының тығыз халықаралық ынтымақтастығының нәтижесін көрсетті.

Қылмыстық деректі прокуратура өкілдері полициямен бірлесе жұмыс жүргізу барысында анықтаған.

Железин ауданына қарасты ауылдық округтердің біріндегі жеке тұрғын үй аумағынан шамамен 2 кг марихуана табылған.

Сот үкімімен күдікті Қылмыстық кодекстің 296-бабының 4-бөлігі бойынша жауапқа тартылып, 3 жыл мерзімге бас бостандығынан айыру жазасы тағайындалды.

Сонымен қатар, облыс прокуратурасының өкілдері қылмыстық топтың қызметі тоқтатқан. Ұйымдасқан топ кондитерлік көкнәрді сатудың атын жамылып, оның тұқымдары мен кептірілген көкнәр сабанынан дайындалған есірткі заттарын таратумен айналысқан.

Олар азық-түлік дәмдеуіштерін сататын орындар ашып, негізгі мақсаттары есірткіге тәуелді адамдарға көкнәр қоспасын сату болған.

Ұсталғандарға есірткі заттарын тарату дерегі бойынша Қылмыстық кодекстің 297-бабының 3-бөлігі бойынша қылмыстық іс қозғалды.

Қазіргі уақытта экономикалық тергеп-тексеру департаменті бұл бағытта тергеу іс-шараларын жүргізуде.

Қалалық прокуратура мен полиция қызметкерлері бірлесіп қоғамдық орындарда есірткі құралдарын жарнамалауға қарсы бағытталған жедел-іздестіру іс-шараларын жүргізген.

Нәтижесінде есірткі құралдарын жарнамалайтын интернет-сайттардың мекенжайларының хабарландыруларын ақша үшін жазып жүрген ер адам қолға түскен. Сот оны Қылмыстық кодекстің 299-1-бабы 2-бөлігінің 1 және 4-тармақтары бойынша кінәлі деп танып, 3 жылға бас бостандығынан айырды.

Бұдан бөлек есірткі жарнамасы және психотроптық заттарды «қалдырумен» айналысқан тағы бір адам ұсталды.

Күдіктіні тінту кезінде 7,866 грамм болатын 168 мефедрон орамдары табылған.

Қазіргі уақытта ұсталғандар қамауға алынып, сотқа дейінгі тергеу жүргізілуде.

Алматы қалалық есірткі қылмысына қарсы күрес бөлімінің мәліметінше, былтыр Алматы қаласында заңсыз айналымнан 1 тоннадан астам есірткі, оның ішінде 117 келіден астам «синтетика» тәркіленген.

Есірткі заттарының заңсыз айналымына қатысты барлығы 760 құқық бұзушылық анықталып, шөп сатудың 275 дерегінің жолы кесілді. 23 зертхана жойылды, 2 есірткі қоймасы анықталды, 105 есірткі бетбелгісін қоюшы ұсталды.

Сонымен қатар жұртшылықпен бірлесіп, есірткі жарнамасы бар 12 мың 200 граффити суреті анықталды және сырланды. Есірткі сататын 623 интернет-ресурс бұғатталған.