Депутат сыбайлас жемқорлыққа қарсы іс-қимыл агенттігінің мәліметтерін тілге тиек етті. Дерекке сәйкес, 2023 жылдың басынан бері білім беру саласында 303 қылмыстық іс тіркеліп, ол жалпы шығын 17,5 млрд теңгені құраған.

Қаржылық бақылаудың әлсіздігі байқалады. Деректі терең талдайтын болсақ, 249 адам жауапкершілікке тартылған. Олардың арасында 10 білім бөлімінің басшысы, 2 колледж директоры, 28 мектеп директоры, 21 балабақша басшысы және 136 есепші бар. Педагогикалық кадрды іріктеудің жаңа ережесі енгізілгеніне қарамастан, бұрынғы заңсыздықтарды айналып өту және жемқорлық тәуекелін тудыру мүмкіндігі сақталуда. Халық арасында мектепке жұмысқа орналасу үшін директорға немесе басқарма қызметкеріне «заңсыз сыйақы» беру қажет деген қауесет желдей есіп жүр. Өйткені оңтүстік өңірде жұмыссыздық статистикада көрсетілгеннен әлде қайда жоғары. Ауылдық жерлерде мектеп, балабақша, клуб үйінен басқа жұмыс көзі тапшы. Сондықтан мұғалім болуға талпынатындар тым көп. Тіпті лаборант немесе техникалық қызметкер болу үшін де заңсыз ақша беру жағдайлары кездеседі. Сонымен қатар, қызметкерлердің жұмыстан шықпау үшін жалақысының бір бөлігін беру фактілері туралы да айтылуда, – деді Темір Қырықбаев.

Осылайша халық қалаулысы үкіметке мына шараларды қабылдауды ұсынды:

• «Электрондық мектеп» сынды электрондық жүйелерді енгізіп, білім беру саласындағы кадрларды басқарудың бірыңғай электрондық базасын құруды тездету;
• Жұмысқа орналасу процесінің ашықтығын қамтамасыз етіп, педагогикалық кадрларды іріктеудің ашық және әділ жүйесін қамтамасыз ету;
• Қоғамдық бақылауды күшейту маңызды. Яғни ата-аналар комитеті және басқа қоғамдық ұйымдардың білім беру процесіне және қаржылық қызметке қатысуын кеңейту.

Облыстық полиция департаментінің хабарлауынша, бала ауруханаға жүгінген.

«19 ақпанда мектеп күзетшісі мас күйінде 6-сынып оқушысының кеудесіне соққы бергені анықталды. Соның салдарынан кәмелетке толмаған бала ауруханаға жүгінді.  Сот-медициналық сараптама тағайындалды, оның нәтижелері бойынша іс жүргізу туралы шешім қабылданды», — деп хабарлайды полиция департаментінің баспасөз қызметі.

Күзетші қоғамдық орында мас жүргені үшін жауапқа тартылып, айыппұл алған.

«Сондай-ақ, мас күзетшіні жұмыс орнына жібергені үшін мектеп басшылығын жауапқа тарту мақсатында полиция департаменті облыстық білім басқармасына хат жіберді», — деп хабарлайды полицияның баспасөз қызметі.

Мамандар объектілерді тексеріп жатыр.

Қылмыстық іс қозғалды.

Дереккөз: @sputnik_aitady

Жаңа ереже туралы оқу-ағарту министрлігіне қарасты Ұлттық білім академиясының вице-президенті Руслан Қаратабанов мәлімдеді.

«Егер мектеп қаласа, химия, физика, биологияны жеке-жеке пән ретінде оқыта алады. Алайда бұл пәндерді біріктіріп оқыту тәжірибесі бар мектептер де жетеді. Жаңа нормада мектептерге химия, физика, биология пәндерін жаратылыстану, дүниежүзі тарихы мен құқық негіздері пәндерін әлеуметтік ғылымдар, ал алгебра мен геометрияны математика пәні ретінде біріктіруге құқық берілетіні көрсетілген. Бірақ егер мектептер бұлай жасағысы келмесе, олар бұрынғы жүйеде қала алады», – деді Қаратабанов.

Сонымен қатар әр пәнге жасанды интеллект негізіндегі әртүрлі технологияларды қолдануға байланысты тапсырмалар енгізу қарастырылған.

Қазақстандағы жасанды интеллектті дамыту қауымдастығы төрағасының орынбасары Анар Төлеубаева алдымен мұғалімдерге жасанды интеллектті қолдануды үйрету жоспарланып отырғанын атап өтті.

«Біз мұғалімдерге түрлі қосымшаларды, соның ішінде ChatGPT-ге тіркеп, оларды дұрыс қолдануды үйретеміз. Сондай-ақ ChatGPT ұсынған ақпаратты қалай тексеру керек екенін көрсетеміз. Сонымен қатар суреттер генерациялауды және оқушыларға арналған жылдам тапсырмалар жасауды да үйретеміз», – деді Төлеубаева.

Дереккөз: Stan.kz

Жекеменшік мектептерде оқитын аз қамтылған отбасылардың балаларына әлеуметтік көмек көрсету биылғы жылдан басталады. 30 желтоқсанда Президент Білім және бала құқықтарын қорғау мәселелері жөніндегі заңға қол қойды.

Негізгі жаңалықтардың бірі жекеменшік мектептердің 1-4 сынып оқушыларын тегін ыстық тамақтандыру. Жаңа бастама 25 мыңнан астам баланы қамтиды. Оны жүзеге асыруға жергілікті бюджеттен 12 млрд-тан астам теңге бөлінді.

Сондай-ақ Заң мемлекеттік білім беру тапсырысы бойынша оқитын оқушылар үшін әлеуметтік қолдау шараларын кеңейтуді көздейді. Бұрын «Жалпыға бiрдей білім беру» қорынан мектеп керек-жарақтары мен кеңсе тауарларын сатып алуға көмек тек мемлекеттiк мектеп оқушыларына ғана көрсетiлген болатын. Енді ол жекеменшік мектеп оқушыларына да қатысты болады.

«Жаңа заң аясында жергілікті атқарушы органдарға меншік нысанына қарамастан, әлеуметтік осал отбасылардың барлық балаларына әлеуметтік көмек көрсету құзыреті беріледі. Бұл барлық балалар үшін тең мүмкіндіктерді қамтамасыз етуге бағытталған маңызды қадам», — деп мәлімдеді ҚР Оқу-ағарту министрі Ғани Бейсембаев.

Естеріңізге сала кетейік, Мемлекет басшысының тапсырмасы бойынша 2023 жылдың қыркүйегінен бастап бастауыш сынып оқушылары мен әлеуметтік санаттағы 5-11 сынып оқушылары үшін мемлекеттік мектептерде тегін ыстық тамақ ұйымдастырылды. Биылғы оқу жылында мемлекеттік мектептерде оқитын 1,7 млн-нан астам бала тегін тамақпен қамтамасыз етілді. «Жалпыға бірдей білім беру» қоры аясында 510 мың оқушыны құрал-жабдықтармен қамтамасыз етуге қосымша 22,5 млрд теңге бөлінді.