«Орда» басылымы хабарлағандай, жол-көлік оқиғасы 1 сәуір күні Пхукет аралында болған. Басылым мәліметінше, мотоцикл тізгіндеген ер адам соншалықты жоғары жылдамдықпен келе жатқан, ол бағанға соғылған сәтте денесі екіге бөлініп кеткен. Оқиға туралы алғаш болып Kusoldharm құтқару қорының өкілдері хабарлаған. Олар бастапқыда марқұмды Ресей азаматы деп болжаған. Алайда кейін бұл ақпарат теріске шығарылды.

Марқұмның денесі жеткізілген Vachira Phuket ауруханасының қызметкерлері оның Қазақстан Республикасының азаматы екенін хабарлады. Ол Пхукетте тұрып, жұмыс істеген. Қазіргі уақытта оның жеке басы ресми түрде жарияланған жоқ.

Сол күні Пхукет провинциясындағы Майтон аралының маңында катер жарылып, өртенген еді. Бортта ресейлік және қазақстандық азаматтар болған. Абырой болғанда, барлық жолаушылар аман қалған.

Фото: Eakkapop Thongtub.