Оның айтуынша, қосылған құн салығының (ҚҚС) шегін 40 миллион теңге деңгейінде белгілеу ұсынылып отыр.

– Бұл – біз қол жеткізген ымыра. Алайда бұл шешімнің нәтижесінде 160 мың жаңа салық төлеушіден айырылып отырмыз. Сонымен қатар, 400 млрд теңге көлеміндегі қосымша түсімді жинай алмай қаламыз. Бұл арқылы біздің кәсіпкерлер үкімет пен парламенттің осындай ымыраға баруға дайын екенін түсінеді, – деді Жұманғарин Мәжіліс отырысында.

Сондай-ақ, министр салық жеңілдіктері қарастырылған арнайы режимдердің санын жетіден үшке дейін қысқарту жоспарланып отырғанын айтты.

Қазақстанда жеңілдетілген салық режимі ретінде өзін-өзі жұмыспен қамтығандар үшін режим, оңайлатылған декларация негізіндегі режим және шаруа немесе фермер қожалықтарына арналған арнайы салық режимі қалдырылмақ.

«Роскошь салығына» келсек, егер жылжымайтын мүлік құны 450 миллион теңгеден асса, оған салынатын салық мөлшерлемесін арттыру ұсынылуда. Автокөліктер үшін бұл шек – 75 миллион теңге. Сонымен қатар, яхталар, ұшақтар, қымбат алкоголь өнімдері мен сигаралар да «назарға алынатын» болады.

Дереккөз: @ztb_qaz

Белсенді диалог келесі аптадан басталмақ. Онымен бірге, халыққа осы мәселені түсіндіру бойынша барлық ресурстар жұмылуда. Бір сөзбен айтқанда, келесі апта қызу өтпек.

«Үкімет сауданың қиын өтетінін болатынын түсінеді. Екі жақ та берісуге дайын емес. Қосымша құн салығының ставкасы кәсіпкерлермен сауда барысында 20 пайыздан біршама түсетіні анық. Мүмкін 17-18 пайыз шамасында тұрақтар», — дейді, DALA INSIDE дереккөзі.

Ал шағын және орта бизнес өкілдерімен қосымша құн салығының шегі туралы нағыз шайқас күтіп тұр. Үкімет оны 15 миллионға дейін түсіру туралы ұсыныс берген болатын. Кәсіпкерлер 40 миллион теңге шегін қорғап көрмек.

«Атамекен» палатасы кәсіпкерлерге керек пе деген сұрақтың жауабын биыл алатын боламыз. Себебі Үкімет НДС бойынша палатаны сындырып тастаса, онда көптеген кәсіпкерлер Атамекеннен теріс айналмақ.

«Ой, жестко болайын деп тұр» деп, түйіндеді дереккөз.

Түсінікті себептермен Үкіметке салық арқылы қосымша 6-7 трилллион теңге жинау керек. Қосымша құн салығын өсіруден басқа резерв қалмаған. Басқа амал табылмаса, Ұлттық Қордағы валюта 10 жылдың ішінде таусылатын болады. Кәсіпкерлер өз кезегінде қазіргі комфортты жағдайдан айрылғысы жоқ.

Шахматтағы пат жағдайы туындады. Екі жақ та сәл компромиске келмесе кеш болады.