Сарбаз — KazToday

«Кешірім сұрай ма деп күттік» – комаға түскен сарбаздың анасы ВИДЕО

KazToday — Fri, 18 Apr 2025 12:35:08 +0000

Сарбаз Нұржігіт Әбділпаттаның анасы Жанна Жаналина осылай деп көзіне жас алды, деп хабарлайды kaztoday.kz.

«Соңғы сәтке дейін кешірім сұрай ма деп күттік», — дейді анасы.

https://kaztoday.kz/wp-content/uploads/2025/04/vid-20250418-172543-584_B0CQjXIc.mp4

Ол сот шешіміне көңілі толатынын айтты.

Айта кетері, Отарда сарбазды ұрып, комаға түсірген сержант 3 жылға сотталды.

Дереккөз: @sputnik_aitady

Әскерге барып мүгедек болған Ербаян Мұхтар Түркияда ем алып қайтты

KazToday — Tue, 28 Jan 2025 08:10:09 +0000

Әскерге барып жұмбақ жағдайда басы жарылып, мүгедек болып қалған Ербаян Мұхтар Түркиядан Қазақстанға қайтты, деп хабарлайды Kaztoday.kz.

Ербаянның заңды өкілі Инга Иманбайдың айтуынша, Стамбұлдағы емнің бірінші кезеңі аяқталған, алдағы 2-3 ай Қазақстанда болады.

«Ербаянның басына жасалған отадан кейін толыққанды реабилитация бастау үшін оның ағзасы біраз уақыт демалуы керек екен. Көктемде ол Түркияға қайта ұшып, екінші кезең – реабилитацияны бастайды. Жуырда Ербаянның ата-анасы бірінші кезеңдегі емге кеткен қаржы бойынша есеп береді» деп жазды И.Иманбай жеке парақшасында.

Инга Иманбайдың мәліметінше, Стамбұлда Ербаянның басына ота жасалған. Нәтижесінде инфекциядан толық арылған. Салмақ жинап, роботтың көмегімен қимылдай бастаған. Тамақты өзі аздап ішетін жағдайға келген.

Айта кету керек, Ербаян ісі әлі тергеу сатысында тұр.

Маңғыстаудағы сарбаздың өлімі: Прокурор 13 жыл сұрады

KazToday — Fri, 24 Jan 2025 13:40:26 +0000

Прокурор Амангүл Жұмағалиева Дамир Досовты Марат Баркуловты өлтірді деп танып, 13 жыл бас бостандығынан айыруды сұрады, деп хабарлайды деп хабарлайды Kaztoday.kz.

ZTB NEWS хабарлағандай, сот талқылауында прокурор айыпталушының кейбір дәлелдерін негізсіз деп санайтынын айтты. Офицер тапаншаның оқталғанын білмегенін мәлімдеген.

«Дамир Досов – кадрлық офицер, ол әртүрлі қару түрлерінен ату бойынша дайындықтан өтіп, емтихан тапсырған. Іс бойынша куәгерлер Досовпен нұсқаулық өткізгендерін растады», – деп атап өтті прокурор.

Талқылау барысында Марат Баркуловтың әкесі мен анасы соттан моральдық зиянды өтеуді 50 миллион теңге көлемінде сұрады.

2024 жылдың 7 қыркүйегінде Ақтаудағы «Оймаша» полигонында взвод командирі штаттық ПМ тапаншасынан қатардағы сарбазға оқ атқан.