су — KazToday

Қазақстан Сырдария өзені арқылы 3,7 млрд текше метр су алады

Жазира Койшыбекова — Mon, 07 Apr 2025 04:12:49 +0000

Қазақстан Сырдария өзені арқылы 3,7 млрд текше метр су алады, деп хабарлайды kaztoday.kz .

2025 жылдың суару кезеңінде Қазақстан Сырдария өзенінен шамамен 3,7 млрд текше метр су алады. Бұл туралы Тәжікстан, Түркіменстан және Өзбекстандағы әріптестерімен су ресурстары және ирригация министрі Нұржан Нұржігітов келісті, деп хабарлайды ведомство.

Суару кезеңінде Қазақстан мемлекетаралық «Достық» каналы арқылы 909 миллион текше метр су алады. Солтүстік Арал теңізіне 975 миллион текше метр су жіберу жоспарлануда.

«Қазір тасқын суды көлдер мен өзендерге бағыттап, су қоймаларына жинап жатырмыз. Бірақ оңтүстік өңірлерге келгенде су дипломатиясы маңызды. Шананы жазда дайындау керек, немесе, керісінше, биылғы жылдың жазғы суару кезеңіне біз өткен жылдан бері келіссөздер жүргізіп жатырмыз. Өткен жылы суды тиімді бөлу, суды үнемдейтін технологияларды енгізу және көршілес елдермен дер кезінде келіссөздер жүргізіп, шаруа қожалықтарының суармалы суға деген сұранысын қамтамасыз ете алдық», – деді Қазақстан Республикасының Су ресурстары және су шаруашылығы министрі Нұржан Нұржігітов.

Өткен жылдың қазанынан биылғы жылдың 1 сәуіріне дейін Өзбекстан Қазақстанға 12,6 млрд текше метр су жіберген.

Дереккөз: «Орда»

«Малмен бірге су ішіп жүрміз». Тұрғындарға уәде етілген су құбыры 5 жыл бойы орнатылмаған

Жазира Койшыбекова — Sun, 06 Apr 2025 04:13:15 +0000

Алматы облысында бес жыл бойы уәде етілген су құбыры әлі орнатылмаған, деп хабарлайды kaztoday.kz .

Қазақстанда әлі де тұрғындар ашық көздерден — өзендерден, құдықтардан және ескі кеңестік колонкалардан су ішуге мәжбүр ауылдар бар. «Орда» басылымы Алматы облысындағы Калжат ауылының жағдайы туралы хабарлады.

Бұл жерде 2020 жылы билік салуды салтанатты түрде жариялаған жаңа су құбыры әлі іске қосылмаған.

«Дәнекер» мердігерлік компаниясы су құбыры жүйесін салуға бөлінген 565 миллион теңгенің жартысын алып, жұмысын аяқтамай кетіп қалған. Нәтижесінде ауыл су құбырынан да, жақсы жолдан да айырылды. ЖШС жосықсыз мердігерлер тізіміне енгізілді, қалған ақша бюджетке қайтарылды, бірақ бұл оқиға осымен аяқталды, ешкім жазаланған жоқ.

Батыс Қазақстан облысында көлік суға кетіп, 2 адам көз жұмды

Жазира Койшыбекова — Mon, 03 Feb 2025 17:44:07 +0000

Батыс Қазақстан облысында көлік суға кетіп, 2 адам көз жұмды, деп хабарлайды Kaztoday.kz.

Облыстық полиция мәліметінше, көліктен екі адамның мәйіті табылды.

Оқиғаның мән-жайы анықталып жатыр.

https://kaztoday.kz/wp-content/uploads/2025/02/whatsapp-video-2025-02-03-at-213418_Zo7mdYso.mp4

Су тасқынына дайындық басталды

Жазира Койшыбекова — Tue, 07 Jan 2025 07:45:09 +0000

Су тасқынына дайындық басталды, деп хабарлайды kaztoday.kz.

Су ресурстары және ирригация министрлігі су тасқынына дайындық жұмыстарын пысықтады.

Бүгінгі таңда еліміздегі су қоймаларында бос орындар дайындалып жатыр, деп мәлімдеді Ведомствоның баспасөз қызметінің мәліметінше, қазіргі күні елдегі су қоймаларын босату жұмыстары жүргізіліп жатыр.

«Көктемде тасқын суын қоймаларға жинап қана қоймай, көлдер жүйесіне, табиғи жайылымдар мен шабындықтарға бағыттау өте маңызды. Сол себепті суды сауатты бөлу жұмысын алдын-ала жоспарлау қажет. Өткен жылы шаруалар мен басқа да су пайдаланушылардың сұраныстары толық қанағаттандырылды. Өткен суару кезеңінде еліміздің шаруа қожалықтарына шамамен 11 млрд текше метр су берілді»,- деді су ресурстары және ирригация министрі Нұржан Нұржігітов.

Айта кету керек, Астана су қоймасындағы су көлемі 83%-ға дейін азайтылды. Министрліктің мәліметінше, осы жылдың 1 сәуіріне дейін қоймадағы су көлемін 73%-ға дейін төмендету көзделуде.

Ақтөбе су қоймасында қазірде 51 млн текше метрге жуық су бар. 1 сәуірге дейін 47,32 млн текше метрге дейін азайту жоспарлап отыр.

Ал Батыс Қазақстан облысындағы Бітік қоймасындағы су көлемі 34,45 млн текше метрге дейін жіберілген. Су қоймасынан секундына 8,3 текше метр су ағып жатыр.

Шығыс Қазақстан облысындағы Бұқтырма су қоймасы 79% толы. Министрлік 1 сәуірге дейін қоймадағы суды 8%-ға азайтпақ.

Қарағанды облысындағы Ынтымақ су қоймасында 69 млн текше метр су бар, 39%-ға дейін босату жоспарланып отыр.

Ұлытау облысындағы Кеңгір қоймасындағы су көлемі 86%-ға азайтылған, тағы 11%-ға жуық босату көзделуде.

Қостанай облысындағы Жоғарғы Тобыл су қоймасында 585,4 млн текше метр су бар, 499,37 млн текше метрге дейін төмендетілмек.