1990 жылы туған әйел төрт жасар ұлымен бірге 18-қабаттан құлап кетті. Анасы оқиға орнында қайтыс болды, ал бала ауыр жарақаттармен ауруханаға жеткізілді. Қазіргі уақытта ол жансақтау бөлімінде, жағдайы өте ауыр деп бағалануда.

Orda.kz мәліметінше, көпшілігі бұл жағдай туралы білмейтінін айтқанымен, кейбіреулері марқұмның күйеуі және баласымен бірге тұрғанын, пәтерді жалдап тұрғанын жеткізді. Жоғарғы қабаттағы тұрғындардың бірі таңғы 6 шамасында қатты шудан оянғанын, біреудің есікті ұрып, әйелдің атын атап айқайлағанын айтты. Әйел мен бала үйдің ауласына емес, көшеге, яғни жүргін бөлігінің жағына құлаған. Бала қар үйіндісіне түсіп, аман қалған көрінеді.

Куәгерлердің бірі таңғы 6:50-де 5-блоктан шығып, жүргізушісін күтіп тұрғанын, сол кезде жүргізушінің бетіндегі үрейлі күйін байқағанын айтты. Оның айтуынша, ешқандай айқай-шу болмаған, тек бір дыбыс естілген, содан кейін ол жүгіріп барып, баланың қозғалып жатқанын көрген. Алайда, мұндай жағдайларда зардап шеккендерді қозғауға болмайтынын түсініп, жедел жәрдем шақырған.

Тұрғындардың айтуынша, «Комфорт Сити» кешенінде соңғы екі жылда үш суицид оқиғасы тіркелген. 2023 жылдың қарашасында 2001 жылы туған жігіт 20-қабаттан секіріп, қайтыс болған. Сондай-ақ, өткен жылы бір әйелдің өз-өзіне қол жұмсағаны туралы айтылады, бірақ бұл оқиға БАҚ-та жарияланбаған. Сонымен қатар, 2024 жылдың сәуір айында осы кешеннің автотұрағында 13 жасар қыз зорланған.

Кейбір тұрғындар соңғы суицид оқиғасын отбасылық зорлық-зомбылықпен байланыстырады. Алматыда және басқа да елді мекендерде әйелдердің суициді немесе күмәнді өлімдері көбінесе тұрмыстық зорлық-зомбылықпен байланыстырылады. Мысалы, 9 наурызда Алматы маңындағы «Асыл арман» тұрғын үй кешенінде 21 жастағы әйел алтыншы қабаттан құлап, қайтыс болды. Ресми нұсқа — суицид, бірақ марқұмның туыстары бұл кісі өлтіру деп санайды, себебі анасының айтуынша, қызы күйеуінен жүйелі түрде зорлық-зомбылық көрген.

2024 жылдың маусым айында Алматыда 27 жастағы блогер Айлуна Рахим өз-өзіне қол жұмсады. Өлімінен бұрын ол әлеуметтік желілерде күйеуінің оны үнемі ұрып-соғатынын жазған. 2023 жылдың мамыр айында «Терракота» тұрғын үй кешенінде 23 жастағы қыз терезеден құлап, қайтыс болды.

Бұған дейін Алматыдағы «Комфорт Сити» тұрғын үй кешенінде қыз 18-қабаттан құлап қайтыс болғанын хабарлаған болатынбыз.

Белгілі болғандай, өз — өзіне қол жұмсаған жасөспірім қыз көпбалалы отбасынан шыққан. Әкесі осыдан 4 жыл бұрын қайтыс болған, 6 баланы анасы өзі бағып келген. Ауылдастарының айтуынша, бұл отбасында ешқашан жанжал мен кикілжің болмаған.

Оқушы өзінен кейін ешқандай жазба қалдырмағандығы айтылуда. Құзырлы орган қызметкерлері марқұмның жеке заттары мен телефонынан күдік тудырар ақпарат таппаған.