үкім — KazToday https://kaztoday.kz Ақпараттық агенттігі Fri, 27 Dec 2024 16:55:12 +0000 ru-RU hourly 1 https://wordpress.org/?v=7.0 https://kaztoday.kz/wp-content/uploads/2024/12/cropped-Ресурс-2-32x32.png үкім — KazToday https://kaztoday.kz 32 32 МЕМЛЕКЕТ ҚАРЖЫСЫН ЫСЫРАП ЕТКЕН ШЕНЕУНІК СОТТАЛДЫ https://kaztoday.kz/2024/12/27/memleket-qarzhsn-srap-etken-sheneu/ https://kaztoday.kz/2024/12/27/memleket-qarzhsn-srap-etken-sheneu/#respond Fri, 27 Dec 2024 16:53:29 +0000 https://kaztoday.kz/?p=542 Қордай аудандық сотында «ҚазАвтоЖол» Жамбыл облыстық филиалы басшысының орынбасары Д. Тультаев, «ДорСтрой» ЖШС мердігерлік ұйымы жобасының жетекшісі У. Құрбанов және «Алматы Сапа Инжиниринг» ЖШС техникалық қадағалау сарапшысы Д. Мұсақұлға қатысты үкім шығарды, деп хабарлайды Kaztoday.kz.

Тергеу барысы анықтағандай, сотталушылар қазақ-қырғыз шекарасындағы «Қордай» өткізу пунктін салу, кеңейту және реконструкциялау кезінде 296 млн теңгеден астам бюджет қаражатын ысырап еткендері дәлелденген.

Яғни, мемлекет қаржысын жымқыру орындалмаған жұмыстар актілеріне қол қою, сол жұмыс түрлеріне екі есе ақы төлеу, жабдықтың құнын асыра бағалау және заттарды аз жеткізу жолымен жүзеге асырылған.

Сот үкіміне сәйкес, Тультаев пен Құрбановқа тиісінше 10 жыл мерзімге дейін жол-құрылыс жұмыстарымен және құрылыс жұмыстары саласындағы кәсіпкерлік қызметпен айналысу құқығынан айырыла отырып, әрқайсысы 8 жыл бас бостандығынан айырылды.

Сонымен қатар, сот шешіміне сәйкес Мұсақұл сәулет, қала құрылысы және құрылыс қызметі саласында 10 жыл мерзімге инжинирингтік қызметтер көрсетумен айналысу құқығынан айырыла отырып, 7 жылға бас бостандығынан айырылды.

Сот актісі заңды күшіне енген жоқ.

]]> https://kaztoday.kz/2024/12/27/memleket-qarzhsn-srap-etken-sheneu/feed/ 0 ҚЫЗЫЛОРДАДА ЖАСӨСПІРІМ ҚЫЗДЫ СИНТЕТИКАЛЫҚ ЕСІРТКІ ПАЙДАЛАНУҒА МӘЖБҮРЛЕГЕН АЗАМАТ СОТТАЛДЫ https://kaztoday.kz/2024/12/27/qzlordada-zhasospirim-qzd-sintet/ https://kaztoday.kz/2024/12/27/qzlordada-zhasospirim-qzd-sintet/#respond Fri, 27 Dec 2024 05:16:50 +0000 https://kaztoday.kz/?p=526 Қызылорда облысында жарты жылдан астам уақыт сексуальдық құлдықта болған жасөспірім қызға қатысты сот отырыстары жүруде. Қылмыстық істі қарау барысында оқушы қызға синтетикалық есірткіні пайдалануға мәжбүрлеген азаматқа қатысты сот үкімі шықты. Бұл туралы қоғам белсендісі Дина Тәңсәрі өзінің әлеуметтік желідегі парақшасына жазды, деп хабарлайды Kaztoday.kz.

Белгілі болғандай, сотталған азамат өз кінәсін толық мойындап, жәбірленуші тараптан кешірім сұраған. Қызылорда қалалық №2 мамандандырылған ауданаралық сотының шешімімен, күдікті 8 жылға бас бостандығынан айырылды.

“Аталған қылмыстық іс бойынша негізгі сот процестері келесі жылдың басында басталады. Яғни жасөспірім қыздың сыныптастары мен олардың туыстары заң алдында жауап береді. Білетініміздей, күдіктілер жәбірленушіні ұрып — соғып, қорқытып, жезөкшелікпен айналысуға мәжбүр еткен”, — деп жазды Дина Тәңсәрі.

]]> https://kaztoday.kz/2024/12/27/qzlordada-zhasospirim-qzd-sintet/feed/ 0