Әсіресе Гонконг пен Сингапурде. Қазірдің өзінде 14 мыңнан астам адамнан «LP.8.1» деп аталатын вирустың жаңа түрі табылған. Енді пандемияның жаңа толқыны әлемді алаңдатып отыр. Эпидахуал өрши түссе, вакцина егу қайта басталуы мүмкін, деп хабарлайды «КТК» арнасы.

Гонконг пен Сингапур, Қытай мен Таиландатағы жағдай алаңдатарлық. Гонконг дәрігерлері «Омикрон» індетінің жаңа толқыны басталғанын растады. Осы айдың өзінде 30-дан аса адам көз жұмған. Сингапурде де ай басынан бері 14 мыңнан аса адам вирус жұқтырыпты. Күніне 130-ға жуық науқас ауруханаға түсіп жатыр. Басым бөлігі 65 жастан асқандар. Отандық дәрігерлер жаңа штамның белгілерін атады.

«COVID-тің жаңа штамы біртіндеп таралып жатыр. Бұл — «Омикронның» мутацияларының бірі. Негізінде бұл штамм қазіргі уақытта алаңдаушылық тудырмайды. Иә, шағын толқын бар. Бұл вирустың белоктарында мутацияның пайда болуымен байланысты. Оның белгілі бір ерекшеліктері бар. Ол алдыңғыларға қарағанда тамақтың ауыруын, мұрынның бітелуін, түшкіруді және аздап құрғақ жөтел тудырады», — дейді медицина ғылымдарының докторы Дмитрий Еделев.

Сондай-ақ әлсіздік пайда болып, дене сырқырайды. Бірнеше күннен кейін вирус күшейіп, дене қызуы 39 градусқа дейін көтеріледі екен. Жыл басынан бері елімізде 329 жағдай тіркелген, қайтыс болғандар жоқ. Бұл өткен жылмен салыстырғанда төрт есе аз. Елдегі эпиджағдай жіті бақылауда, сондықтан алаңдауға негіз жоқ деп отыр жауапты органдар.

«Омикрон» штамы пандемия кезіндегідей қауқарлы емес. Сырқат жеңіл түрде өтеді. Адамзатқа қауіп төндіріп жатқан жоқ. Жалпы біздің елімізде жағдай тұрақты. Сол үшін алаңдап, аурудың үлкен бір толқыны келе жатыр, байқаңыздар деп, дүрбелеңге салдыратындай емес», — дейді Қазақстан ДСМ Санитария-эпидемиологияны бақылау комитетінің басқарма басшысы Жасұлан Алпысбаев.

Дүниежүзілік денсаулық сақтау ұйымы Ковид-19 пандемиясын ресми жарияғалы бес жыл өтті. Осы уақыт ішінде әлемде 700 миллионнан астам адам вирус жұқтырып, 7 миллионы көз жұмған екен. Бұл адамзат тарихындағы ең қатерлі індеттердің біріне айналды. Бұрын‑соңды болмаған шектеу шаралары қабылданып, халық бірнеше уақыт міндетті карантинде болған еді. Сол себепті көпшіліктің алаңдауы — заңдылық.

Дереккөз: «КТК» арнасы

Бұл туралы Астана қаласы қоғамдық денсаулық сақтау басқармасының баспасөз қызметі мәлімдеді.

«Қазақстанда қыздарды адам папиллома вирусына (АПВ) қарсы вакцинациялаудың ауқымды бағдарламасы жүзеге асырылуда. Бұл жатыр мойны қатерлі ісігімен күрестегі маңызды қадам болып табылады. Вакцинация Ұлттық екпе күнтізбесіне және Дүниежүзілік денсаулық сақтау ұйымының ұсыныстарына сәйкес жүргізілуде», — делінген хабарламада.

2024 жылы вакцинация қыркүйек айында басталды. Жыл соңына дейін алғашқы дозаны 6091 қыз бала алды. Оның ішінде:

• 3187 қыз – 11 жастағы (жоспарлы вакцинация);
• 2904 қыз – 12-13 жастағы (толықтырушы иммундау).

2025 жылы бағдарлама жалғасып жатыр. Қаңтар айында:

• 351 қыз – 11 жастағы;
• 50 қыз – 12-13 жастағы қыздарға вакцина егілді.

Қазақстан Республикасы Денсаулық сақтау министрлігі төрт валентті «Гардасил» (АҚШ) вакцинасын пайдалануды жоспарлаған. Бұл вакцина АПВ-ның ең қауіпті онкогенді түрлерінен (6, 11, 16, 18) қорғайды.

• Вакцинация тегін жүргізіледі.
• Егу мектептерде өткізіледі.
• Процедура екі кезеңмен жасалады, аралық — 6 ай.

Адам папиллома вирусы — жатыр мойны қатерлі ісігінің негізгі себепшілерінің бірі. Ерте жасында жүргізілген вакцинация қыздардың болашақта қауіпті ауруларға шалдығу қаупін айтарлықтай төмендетеді.

Дереккөз: КазТАГ

Фото:  freepik

Сауд Арабиясы қажыларға міндетті менингитке қарсы вакцинацияны енгізбек.

Денсаулық сақтау министрлігі умра мен қажылыққа баратындардың барлығын инфекциялардың таралу қаупі жоғары болғандықтан, менингококкты менингитке қарсы вакцинациялауға міндеттеді. Менингитке қарсы егу виза түріне қарамастан, 2025 жылдың 1 ақпанынан бастап КСА аумағында жүрген жолаушыларға қажет болады. Саяхатшыларға полисахаридті немесе конъюгацияланған болуы мүмкін Neisseria meningitidis-ке қарсы төрт компонентті вакцина егілуі керек. Олар төрт компонентті вакцина үшін келгенге дейін кемінде 10 күн бұрын және сәйкесінше полисахаридті вакцина үшін 3 жылдан немесе конъюгацияланған вакцина үшін 5 жылдан аспайтын вакцинация туралы сертификатқа ие болуы керек.

1 жасқа дейінгі балаларға вакцинация қажет емес.