Қазақстанда Конституцияның 30 жылдығына байланысты көптен күткен рақымшылық беру мақұлданды. Мәжіліс бұл бастаманы қолдап отыр.

Бостандыққа шығатындар — ауыр емес және орташа ауыр қылмыс жасағандар. Бірақ маңызды шарты: залал өтелген болуы немесе мүлде залал келтірілмеуі тиіс.

Ал қоғамға қауіпті қылмыскерлерге, зорлық-зомбылық көрсеткендерге, жемқорларға және есірткі таратушыларға бұл рақымшылық жүрмейді. Олар темір тордың арғы жағында қала бермек.

Алдын ала мәліметке сәйкес, 632 сотталған азамат бостандыққа шығуы мүмкін. Тағы 3,5 мың адам пробация бақылауынан босатылады.

Енді заң жобасы Сенат қарауына өтеді. Соңғы шешім – Президенттің қолында.

Атап айтқанда, көптеген балабақшаларда құжаттар тізбесі бекітілген талаптарға сай емес болып шыққан. 52 балабақшаның тиісті медициналық қызмет көрсету лицензиясы жоқ, бұл балалардың қауіпсіздігін қамтамасыз етуге кедергі келтіреді.

Екінші мәселе, мекенжай сәйкессіздігі. Балабақшалардың нақты орналасқан мекенжайлары құжаттарда көрсетілген деректерге сәйкес келмейді. Үшінші түйткіл, нысаналы мақсаттың өзгертілмеуі, 31 балабақшаның нысаналы мақсаты заңды түрде өзгертілмеген. Сондай-ақ 37 балабақшаның құжаттары санитарлық-эпидемиологиялық талаптарға (СЭС) сәйкес келмейді.

Осы олқылықтар балалардың қауіпсіз және қолайлы ортада тәрбиеленуіне қажетті жағдайларды қамтамасыз етуге мүмкіндік бермейді.

Облыстық білім басқармасы 2025 жылға арналған мемлекеттік білім беру тапсырысын орналастыру бойынша өткізілген конкурстық комиссия отырысының хаттамаларын жарамсыз деп тануды және конкурсты қайта өткізуді жоспарлап отыр.

Сонымен қатар, облыстық білім басқармасының басшысы білім бөліміне қарасты салаға жауапты лауазымды тұлғалардың тәртіптік жауапкершілігін қарау және алдағы уақытта мектепке дейінгі ұйымдарға мемлекеттік тапсырыс орналастыру жөніндегі комиссия жұмысының әділдік, ашықтық, жариялылық принциптеріне сай болуын қамтамасыз етуді тапсырды.

Бұл қадамдар балалардың қауіпсіздігін қамтамасыз ету және заң талаптарына сай келмейтін мекемелерді анықтау арқылы білім беру саласының сапасын арттыруға бағытталған.

Бұдан былай дәрігерге күш көрсетіп, жұмысына кедергі келтіргендер 3 жылға дейінгі бас бостандығынан айырылу жазасы қарастырылып отыр. Қылмыстық кодекске енгізілген 2 жаңа бап қоғам талқысына шығарылды.

Енді медицина қызметкерлерінің жұмысына кедергі келтіргендер 738 мың теңге айыппұл не 200 сағат қоғамдық жұмысқа тартылуы ықтимал. Тіпті 50 тәулікке қамау жазасы бар. Ал ақ халаттыларға қоқан-лоқы көрсетіп, қол көтеретіндерге 11 миллион теңге айыппұл салынады. Бұдан басқа 800 сағат қоғамдық жұмыс және 3 жыл түрме жазасы көзделген.

Бас прокуратураның мәліметінше, кейінгі бес жылда медицина қызметкерлеріне күш көрсетудің 200-ге жуық дерегі тіркелген.