Мәжілісте неке қиюға мәжбүрлеу, соның ішінде «алып қашу» үшін қылмыстық жауапкершілік енгізуді көздейтін заң жобасы мақұлданды. Бұл тек қалыңдықты ұрлау ғана емес, сонымен қатар психологиялық қысым сияқты кез келген мәжбүрлеу түрлерін де қамтиды. Бұл туралы депутат Мурат Әбенов мәлімдеді.

Қылмыстық кодекске «Некеге мәжбүрлеу» деген жаңа бап енгізіледі. Онда жазаның бірнеше түрі қарастырылған: айыппұлдан бастап бас бостандығынан айыруға дейін. Атап айтқанда, егер күш қолданылса, жәбірленуші кәмелетке толмаған болса немесе қылмыс топпен жасалса — 20 миллион теңгеге дейін айыппұл немесе 7 жылға дейін түрме жазасы қарастырылған.

Ресми деректер бойынша, соңғы үш жылда елде қалыңдық ұрлау фактілері бойынша 214 арыз түскен, бірақ олардың тек 10-ы ғана сотқа жеткен. Қалған істерде, қыздар соққыға жығылғанын немесе көліктен секіріп кеткенін айтса да, қылмыс құрамы жоқ деп танылып, іс жабылған.

Аталған заң жобасы әйелдердің құқығын қорғауға және мәжбүрлі некелермен күресуге бағытталған. Заң жобасының екінші оқылымы келесі аптада өтеді деп күтілуде.

Сұмдық оқиғаның видеосын Telegram-дағы «Твой Алматы» арнасы жариялады.

Жазбадан үйдің кіре берісінде жедел жәрдем және полиция көліктерінің тұрғанын байқауға болады.

Әуезов аудандық полиция басқармасының мәліметінше, суық қару қолдану арқылы жасалған бұзақылық фактісі бойынша іс қозғалған.

«Аталған тұрғын үй кешенінің тұрғындары арасында туындаған жанжал кезінде бір адам екі қарсыласын пышақтап кеткені анықталды, оларға медициналық көмек көрсетілді.

Күдіктілер анықталды. Қазіргі уақытта аталған қылмысты ашуға бағытталған жедел-іздестіру шаралары жүргізіліп жатыр», — деп хабарлады полиция департаменті өкілдері.

Алматы облысында Іле аудандық соты аудандық білім бөлімінің басшысы Л.Каткееваға және осы бөлімнің 7 бухгалтеріне қатысты үкім шығарды.

Сот мәліметінше, күдіктілер білім беру саласында жұмыс істемейтін адамдарға 686 миллион теңге заңсыз жалақы аударып келгені үшін кінәлі деп танылды.

Сонымен қатар, ол лауазымдық өкілеттіктерін асыра пайдаланып, өзінің жүргізушісін ведомстволық бағынысты мектеп-гимназияға жалпы сомасы 4,9 млн теңге жалақы заңсыз төленген кәсіптік бағдар беруші лауазымына жалған жұмысқа орналастырған.

Сот үкімі бойынша, Каткеева мемлекеттік қызметте қызмет атқаруға өмір бойына тыйым сала отырып, 8 жылға бас бостандығынан айырылды.

Бухгалтерлерге мемлекеттік қызметте 10 жыл қызмет атқаруға тыйым салынып, 7 жылдан 8 жылға дейін бас бостандығынан айыру жазасы тағайындалды.

Сот актісі заңды күшіне енген жоқ.

Сұмдық жағдай Жамбыл аудандық сотында кәмелетке толмаған балаға қатысты денсаулыққа қасақана жеңіл зиян келтіру фактісі бойынша қаралды. Сот баланы әйелдің асырауынан алуға үкім шығарды.

Сот барысында сотталушы әйел былтыр желтоқсан айында үйінен 1 млн теңге ақша жоғалғанын анықтап, оны өзінің асырап алған ұлынан көргені белгілі болды.

Бала «ақшаны алмадым» деп жауап берген. Алайда «анасы» оны оқтаумен сабаған. Келесі күні колледж оқытушылары баланы ауруханаға апарады. Сараптама қорытындысына сәйкес, кәмелетке толмаған М-ның денсаулығына жеңіл зиян келтірілген.

Сотталушының кінәсі жәбірленушінің, куәлердің айғақтарымен және сот-медициналық сараптаманың қорытындысымен дәлелденді. Сотталушы кінәсін толық мойындады. Жәбірленуші М. асырап алған анасына ешқандай шағымы жоқ екенін, оны кешіретінін, бірақ онымен бірге өмір сүргісі келмейтінін айтты.

ІІМ мәліметінше, Жамбыл облысында Өзбекстан Республикасының 48 жастағы азаматы қолға түскен. Ол ақпан айында Ташкент облысында отбасылық жанжал кезінде жұбайын соққыға жығып, оның мерт қылған. Сондай-ақ кісі өлтірді деген күдікпен 2003 жылдан бері іздеуде жүрген 71 жастағы ер адам Түркістан облысында ұсталып, қамауға алынды.

Алматы қаласында мемлекетаралық іздеуде жүрген өзбекстандық азамат ұсталып, уақытша ұстау изоляторына қамалды. 2012 жылы ол Шыршық қаласында өзімен бірге тұратын әйелді аяусыз ұрып-соғып, тұншықтырып өлтірген.

Жамбыл облысында Қырғызстан азаматы ұсталып, уақытша ұстау изоляторына қамалды. Ер адам 2022 жылы Ресей Федерациясының Липецк қаласында өзінің танысын пышақтап өлтірген.

ІІМ сұрауы бойынша елден тысқары аймақтарда 57 қылмыскер құрықталды.

Шымкент қаласындағы «Жастар ресурстық орталығының» қызметіне қатысты әлеуметтік желілерде қызу пікірталас өршіп тұр. Қоғам назарына ұсынылған ақпаратқа сүйенсек, мекеме басшылығы әлеуметтік желідегі белгілі жазбаларға «лайк» қоймаған қызметкерлерге қатысты жазалау шараларын қолданған.

Атап айтқанда, орталық басшысы тарапынан кейбір қызметкерлерге лүпіл баспағаны үшін ресми түрде ескерту беріліп, бұл жайт ұжым жиналысында жария түрде көтерілген.

Бұл туралы блогер Диас Нұрақын өз парақшасында жазды.

]]> https://kaztoday.kz/2025/04/17/zhastar-resurstq-ortalghnng-basshs/feed/ 0 https://kaztoday.kz/2025/03/03/salq-tolemegeni-ushin-bes-zhl-koloniya/ https://kaztoday.kz/2025/03/03/salq-tolemegeni-ushin-bes-zhl-koloniya/#respond Mon, 03 Mar 2025 12:41:51 +0000 https://kaztoday.kz/?p=2707

Олардың жартысынан көбі – көршілес Ресейде.

Сонымен қатар, Қазақстан түрмелерінде 900-ге жуық шетелдік азамат жазасын өтеп жатыр.

«Біз оларды өз елдеріне қайтару бойынша жұмыстар жүргізіп жатырмыз, себебі олардың басым бөлігі ұзақ мерзімге сотталған. Түсіну керек, олардың күтімі мен қамтамасыз етілуіне біздің мемлекет қомақты қаржы жұмсайды. Жалпы, айта кеткім келеді, сотталғандарды беру туралы келісім – ең алдымен, гуманистік сипаттағы шарт. Ол шетелде сотталған адамға көмек көрсетуге бағытталған,» – деп атап өтті Қойгелдиев.

Фото: @ztb_qaz

Отбасы тұрмыстық қатынаста болған қинау әрекеті үшін Қылмыстық кодекстің 110-бабы бойынша бас бостандығынан айыру жазасы көзделген.

Ал денсаулыққа қасақана жеңіл зиян келтіру Қылмыстық Кодекстің 108-1 бабы және ұрып-соғу Қылмыстық Кодекстің 109-1 бабына сәйкес қылмыстық жауаптылыққа әкеледі.

Астана қаласы прокуратурасының мәліметінше, былтыр осы санаттағы істер бойынша 85 отбасылық бұзақы сотталған.

Айталық, 7 жыл бойы әйелін ұрып-соғып, психикасына зиян келтіріп қинағаны үшін күйеуі 1 жылға бас бостандығынан айырылды.

Екінші бір жағдайда ер адам таныс қызының соңынан қалмай 5 жыл бойы қудалап келген. Тыйымдарға қарамаған. Жүйелі түрде жәбірленушінің үйіне келіп отбасымен қоса қорқытып, ұрып-соққаны белгілі болды.

Осы қылмысы үшін 1 жыл 6 айға бас бостандығынан айырылды.