Қылмыстық іс Ұйымдасқан қылмысқа қарсы күрес басқармасы және полиция бөлімшелерімен бірлесіп жүргізген жұмыстың нәтижесінде анықталған.

Құзырлы орган өкілдерінің мәліметінше, 51 жастағы әйел қаладағы сауналардың бірінде интимдік қызмет көрсетуге арналған бөлмелерді жабдықтап, оларды ақылы негізде пайдалануға берген. Күдікті қазір қамауда. Уақытша ұстау изоляторына жабылған.

Сонымен бірге тағы екі әйелдің топ болып жезөкшелікпен айналысуға арналған притоны белгілі болды. Бұл дерек бойынша да қылмыстық іс қозғалып, күдіктілердің бірі уақытша ұстау изоляторына қамалған.

Тағы бір қылмыстық дерек, алты әйелге қатысты. Олар алдын ала сөз байласу арқылы притон ұйымдастырды деген күдікке ілінді. Қылмыстық іс қозғалған. Тергеу жұмыстарын Абай полиция бөлімі жүргізуде.

Сотталған азаматша табысын заңдастыру үшін өз атына “Жауапкершілігі шектеулі серіктестігін” тіркеп, көзбояушылық ретінде ауыл шаруашылық дақылдарын сатып алып, кейін қайта сатқан. Жалпы қылмыстық жолмен алынған қаражатқа коммерциялық нысан, екі бөлмелі 5 пәтер, жер учаскелері мен екі коттедж және элиталық 2 пәтер мен қымбат автокөлік сатып алынғандығы анықталды. Белгілі болғандай, сотталушы жылжымайтын мүліктерінің біршамасын бала күтушісінің атына жаздырған. Сонымен қатар, үйін тінту кезінде 50 млн теңге мен бағалы зергерлік бұйымдар табылды. Сот үкімімен Елорда тұрғыны жезөкшелердің ордасын ұйымдастырғаны және қылмыстық жолмен алынған қаражатты заңдастырғаны үшін 6 жылға бас бостандығынан айырылды.

“2021-2023 жылдар аралығында Астана тұрғыны жезөкшелікпен айналысу үшін притон ұйымдастырып, 2 млрд теңге қылмыстық табыс алған. Қаржылық тергеу күдіктінің шоттарына туыстары мен сенімді тұлғаларының банк деректемелерін пайдалана отырып, заңдастырудың күрделі схемасы арқылы түскен барлық қылмыстық табысты анықтауға мүмкіндік берді”, — деп мәлімдеді ведомство өкілдері.