Халықаралық рейтингте 147 мемлекеттің ішінде Қазақстан 24-орынға тұрақтады. Елде бір киловатт-сағат электр энергиясы орташа есеппен 0,046 доллар тұрады.
EnergyProm порталының мәліметінше, Қазақстандағы тарифтер бұрынғысынша төмен деңгейде. Бұл көрсеткіш бойынша еліміз ТМД елдері арасында ең арзан тарифтердің бірін ұсынады. Мысалы:
- Өзбекстан – 0,023 доллар;
- Қазақстан – 0,046 доллар;
- Ресей – 0,051 доллар;
- Украина – 0,063 доллар;
- Беларусь – 0,075 доллар;
- Армения – 0,109 доллар;
- Молдова – 0,131 доллар.
Электр энергиясының төмен бағасы Қазақстанның инфрақұрылымдық және экономикалық саясатымен байланысты. Тарифтер «Тарифті инвестицияға айырбастау» бағдарламасы аясында реттелуде. Бұл бағдарлама аясында инфрақұрылымды жаңарту және жұмысшылардың жалақысын көтеру мақсатында кейбір қызметтердің бағасы көтерілуде.
Сонымен қатар, елдегі электр энергиясының тарифтері сараланған жүйеге негізделген. Энергияны үнемдеп тұтынатын азаматтар электр қуатын белсенді пайдаланатындарға қарағанда төмен тариф төлейді.
Дегенмен, 2024 жылғы 1 желтоқсандағы жағдай бойынша электр энергиясының бағасы бір жылда 21,7 пайызға өскенін атап өту керек. Бұл өсім тарифтердің инфрақұрылымды жақсартуға бағытталған инвестицияларды қажет ететінін көрсетеді.
Қазақстанның төмен тарифтері елдің халықаралық рейтингтерде жоғары орынға ие болуына ықпал еткенімен, алдағы уақытта бағаның өсуі мүмкін екенін ескеру маңызды.
