Бұл ұйым Қазақстанда экстремистік деп танылған және оның қызметіне заңмен тыйым салынған.
Полиция мәліметінше, күдікті мешіттерде діндар жастармен әдейі кездесіп, оларды үйіне шақырып, экстремистік әрекеттерге тарту мақсатында «Таблиғи жамағат» идеологиясын насихаттаған. Оның тұрғылықты мекенжайында тінту жүргізілген кезде тыйым салынған діни мазмұндағы кітаптар мен электронды материалдар тәркіленді.
«Таблиғи жамағат» қозғалысы Үндістан мен Пәкістан елінен шыққан. Оның идеологиясы азаматтық құқықтар мен міндеттерден бас тарту (отбасын қамтамасыз ету, ата-анаға қамқорлық жасау, балаларды тәрбиелеу, білім алу, тұрақты жұмыс істеу және т.б.) арқылы үздіксіз миссионерлік қызметке негізделген. Ұйымның бұл идеялары дәстүрлі моральдық құндылықтарға қатер төндіреді, сондықтан Қазақстанда оның қызметіне заңды түрде тыйым салынған.
Күдікті бұған дейін де экстремистік ұйымның қызметіне қатысқаны үшін сотталған. Қазіргі уақытта қылмыстық іс қозғалып, экстремизмге қатысты заңсыз әрекеттерді ұйымдастыру және оған қатысу белгілері бойынша тергеу амалдары жүргізілуде.
Тергеу құпиялығына байланысты қосымша ақпарат жарияланбайды.
