Қаржаубай Нұрымовтың қарындасы халықтан жылу жинап жатыр, деп хабарлайды Kaztoday.kz.
Талғардағы қанды оқиғадан ұлынан айырылған Қаржаубай Нұрымовтың қарындасы Перизат Нұрымова халықтан жылу жинап жатыр. Ол жұртшылықтан ақша жиналып жатқанын растап, қоғам белсендісі Димаш Қаматайдың әлеуметтік желідегі парақшасынан үндеу жариялады.
Перизат Нұрымованың, сөзінше қаражат жинаудың Қаржаубай Нұрымовқа қатысы жоқ.
Ақша жинауды бастауға балаларымның қауіпсіздігі себеп болды. Бұл жағдай басталғалы бері жеке өзіме қоқан-лоқылар жасалды. Оны құзырлы органдарға арыз жазып, тексеріске жіберген болатынмын. Қазір балаларымның қауіпсіздігін ойлағым келеді. Менде пәтерді жалдап тұруыма мүмкіндігім жоқ. Мен пәтерді жалдап алу үшін келісімшарт жасаймын. Пәтерін жалға беретіндер мені көрген кезде, алты балам барын естіген кезде келісім бермейді. Осы күнге дейін ата-анаммен бірге тұрдым. Мен өзімнің балаларымды алып, бөлек шыққым келеді, – деді Перизат Нұрымова.
Дінмұхамед Қаматайдың айтуынша, Перизат Нұрымованың баспанасыз жүру себебі – 2018 жылы үй кезегіне тіркеліп, 1421-ші орында болған. 2020 жылы 258 орынға жылжыған. 2022 жылы тізімнен шығып қалған. Отбасы қайтадан тіркеліп, 1078 орында тұрақтаған. Белсендінің сөзінше, қазақстандықтар екі күнде екі миллионнан аса қаражат жинап берген.
