Атырауда картоп 1 адамға 3 келіден сатылып жатыр, деп хабарлайды Kaztoday.kz.
«Атырау» әлеуметтік-кәсіпкерлік корпорациясының» мәліметінше, қазіргі уақытта тұрақтандыру қорында 200 тонна картоп бар. Бұл тек ақпан айының соңына ғана жетеді.
Осылайша картоп бағасы 180 теңге болған.
«Тұрақтандыру қорындағы картоп нарықтағы құнынан әлдеқайда төмен бағамен сатылып жатыр. Алайда арзан картопты көп мөлшерде алып, үстеме бағамен сатуға жол бермеу үшін 1 адамға 3 келіден сатуға шешім қабылданды. Бұл – алыпсатарлық әрекетті болдырмау үшін жасалған қадам», – делінген хабарламада.
